ملياردير ياباني طلب شريكة ترافقه في رحلته للقمر

13/01/2020

"ايلون ماسك" صاحب شركة  "Space X" عين من فترة أول مسافر للقمر في رحلة  وهو  "يوساكو مايزاوا" الملياردير الياباني للأزياء اللي أعلن إنه عايز شريكة له في رحلته على القمر.

وبكده هيبقى الملياردير "يوساكو مايزاوا" اللي عنده  44 سنة أول رائد فضاء مدني هيعمل رحلة في الفضاء  حوالين القمر وهينطلق على مركبة فضائية من "اسبيس إكس" سنة 2023 

وغير إنها هتكون أول رحلة سياحة وتجارية للقمر ممكن يعملها أي شخص على الإطلاق فهي كمان أول رحلة تبقى للقمر من سنة 1972.

وأعلن "يوساكو مايزاوا" على الإنترنت عن خطته وقال إنه عايز شريكة معاه لرحلته أو زي ما قال إنها هتكون "امرأة خاصة" عشان تشاركه في رحلته ولازم تفكر عشان دي هتكون فرصة العمر بالنسبة لها.

اشترى ""يوساكو مايزاوا" أكتر من تذكرة لكراسي على المركبة الفضائية وقال إنه هيعزم معاه من 6 لـ 8 فنانين، ومن الواضح كده إنه عايز يدي تذكرة من التذاكر دي لشريك رومانسي هيختاره من خلال برنامج تلفزيوني.

"يوساكو مايزاوا" نزل "لينك" كتويت عنده على الأكونت الرسمي على تويتر اللي عليه حوالى 7 مليون متابع يوم الأحد  "Wanted" أو مطلوب يعني وكتب عليها ليه ماتكونيش أول ست تسافر القمر؟

"يوساكو مايزاوا" هياخد قرار في مين الست اللي هتسافر معاه في نهاية شهر مارس وأخر معاد للتقديم على شريكة لـ" أيامي غوريكي" هيكون يوم 17 يناير ، بس خلي بالك إن الرحلة اللي هيسافرها "يوساكو مايزاوا" هتكون مسافتها  385،000 كيلومتر فلازم ماتبقيش متسرعة.

الجدير بالذكر إن "يوساكو مايزاوا" كان مصاحب عازفة مزيكا يبانية اسمها "أيامي غوريكي" عنجها 27 سنة لكنهم سابوا بعض ورجع سينجل تاني وبيدور على شريكة عشان يقضي معاها بقيت عمره مش رحلة القمر بس، وأهم صفات البنت اللي هتقدم إنها تبقى أكبر من 20 سنة وتبقى مهتمة بشؤون القمر والفضاء وتبقى عايزة السلام للعالم.

ومش ده أول إعلان غريب من نوعه يعمله  "يوساكو مايزاوا" على تويتر، فهو من فترة برضه اتعهد إنه هيقسم 9 مليون دولار بين 1000 شخص من الفلورز بتوعه عشان يعمل تجربة اجتماعية وهي هل الفلوس بتخلي الناس أكتر سعادة ولا لا.

Comments: