بعد انسحابها من الأسرة المالكة.. ميجان ماركل هتعمل فيلم بصوتها مع ديزني

13/01/2020

انتشرت أخبار إن "ميجان ماركل" مضت عقد مع شركة "ديزني" إنها هتعمل أصوات في فيلم مقابل التبرع لجمعية خيرية للحياة البرية.

صحيفة "التايمز البريطانية" قالت إن ميجان ماركل هتؤدي عمل صوتي لشركة ديزني غير محدد لسه إيه هو، في مقابل التبرع لصالح جمعية خيرية اسمها "Elephants Without Borders" أو بترجمتها "فيلة بلا حدود"، وتم عقد الصفقة ومضت ماركل العقد قبل ما يتم إعلان إن هي والأمير هاري هينسحبوا من كونهم أعضاء في العيلة المالكة، اللي صرحت على تويتر "إن المناقشات مع الدوق والدوقة في مرحلة مبكرة جدا، وأكيد الكل فاهم رغبتهم في الاستقلال عن العيلة الملكية وان يبقى ليهم نهج حياة مختلف لكن الأمور اللي زي كده بتاخد وقت عشان تنجح". 

والجدير بالذكر إن اللي ربط الزوجين بديزني قبل كده هما حضروهم لعرض "The Lion King" في أول يوليو اللي فات، والعرض الأول كان لدعم منظمة الحدايق الأفريقية اللي بيدعمها الأمير هاري، ده غير إن ديزني قدمت لهم رسمه مميزة لشخصية "وايني ذا بو" عشان يحتفلوا بميلاد ابنهم "آرتشي"

Comments: