قصة تسريبات أبو هشيمة: القبض على المتهمين بالابتزاز

15/01/2020

النهاردة هاشتاج أبو هشيمة هو اللي متصدر التريندات على تويتر بسبب القبض على متهمين حاولوا يبتزوه بفيديوهات ومكالمات تليفونية عشان ياخدوا مبالغ مالية منه، بس خلينا نقولك تفاصيل الموضوع من أوله:

 انتشر فيديو على مواقع التواصل الاجتماعي لمكالمة أبو هشيمة، وهو بيكلم بنت عن طريق الفيديو كول، كان واضح إنه بيكلم فيها بنت وبتسأله عن رأيه في الفنانات أو أكتر فنانة بتعجبه لكنه رد عليها وقال إن كلهم مروا، وبعد كده رد عليها وقالها "لا ماكملش مع ولا واحدة فيهم كلهم وحشين".

ويقال إنه انتشر كذا مقطع فيديو تاني لأجزاء تانية من المكالمة لكن تم حذفهم من على مواقع التواصل الاجتماعي.

ورد فعل الناس على السوشيال ميديا كان إنهم شايفين إن أبو هشيمة كده أساء لنجمات كتير خصوصا إنه في فترة ما كان متجوز الفنانة هيفاء وهبي.

لكن كتبت بعض الصحف والمواقع إن أبو هشيمة اتعرض للابتزاز وأحداث الإبتزاز بدأت من سنة 2014 عن طريق 3 أشخاص وهما مروة إبراهيم محمد بدوي، ومحمد عبد العاطي عثمان، وياسين شعبان صبره اللي خططوا إنهم عايزين يسرقوا موبايل أبو هشيمة لكنهم فشلوا بس سرقوا موبايل أخته الصغيرة.

وبدأوا في ابتزاز أبو هشيمة مقابل الفيديوهات والصور العائلية والمعلومات عموما اللي موجودة على تليفون أخته، وفبركوا مواد مصورة وفيديوهات عن طريق فنيين.

من بعدها خد أبو هشيمة الإجراءات القانونية وعمل محضر بخصوص سرقة موبايل أخته الصغيرة، وبدأ الأجهزة الأمنية تراقبهم عشان يوصلوا لمكانهم

وتم القبض على المتهمين التلاته بعد تحديدهم ليمعاد مع أبو هشيمة عشان يسلموه الموبايل في 21 أغسطس 2019 وكل واحد منهم كان قاعد في محافظة مختلفة على حد قول المواقع الإلكترونية.

وفيه ناس كتير على السوشيال ميديا شافوا إن الفيديوهات دي متفبركة خصوصا إن صوت وصورة الفيديوهات كانوا مهزوزين.

Comments: