أكبر معارض "توت عنخ أمون" هيتعمل في أمريكا: أكتر من ١٥٠ قطعة أصلية هتسافر من مصر

15/01/2020

أعلن عمدة مدينة بوسطن "مارتي والش" إن هيكون فيه معرض (CBS) عن توت عنخ أمون في ولاية بوسطن في الصيف اللي جاي، وإن التماثيل هتكون نسخة طبق الأصل من التماثيل الحقيقية، وقال إن بعضها بيوصل طوله لحوالي 25 قدم، ووزن 2 طن.

وقال كمان إن معرض توت عنخ أمون أو معرض الفرعون الدهبي هيفتح في قلعة سوندرز في بارك بلازا في 13 يونيو، ووفقا لمتحف العلوم فهو هيضم نسخ طبق الأصل بالإضافة لتماثيل حقيقية هي أكبر مجموعة من كنوز توت عنخ أمون اللي هتسافر بره مصر على الإطلاق لإن عدد القطع الأصلية اللي هتتعرض في المتحف أكتر من 150 قطعة، يعني 3 أضعاف عدد القطع اللي خرج قبل كده لمعارض بره مصر، ومنهم 60 قطعة ماخرجتش قبل كده خالص.

وعموما، مفيش معرض زي ده اتعمل في بوسطن من سنة 1963، وهتكون المدينة الوحيدة اللي هتستضيف المعرض في الشمال الشرقي.

"والش" قال إنها حاجة مثيرة جدا، لإن كمان دي المرة الآخيرة اللي هيكون فيها المعرض بره مصر للأبد، وقال كمان إنه بيعتقد إن وجود "بوسطن" في الجولة العالمية دي فرصة للمدينة، وقال كمان إنها فرصة للمدينة للتعرف على تاريخ العالم وفهمه.

وحضر الإعلان عن المعرض طلاب مدرستين في "بوسطن" وطلاب مدرسة في وايموث وخدوا تذاكر مجانية للمعرض، وأعلنوا كمان إن التذاكر هتمون متاحة في مارس.

Comments: