٦ نصايح عشان توصل للحب الحقيقي اللي هيدوم

19/01/2020

في ناس كتير فاكرة إن الحب الحقيقي بييجي مرة واحدة في العمر، لكن الدراسات أثبتت إنه ممكن ييقابلك كذا مرة، وتحديدا من مرتين لسبعة قبل مرحلة الجواز، هتخوض تجربة أول حب في حياتك اللي في الأغلب هيكسر قلبك ويعلمك دروس وهيكون مقياس هتقارن بيه كل علاقاتك بعد كده، مهما عدى وقت على حبك الأول هيفضل مميز.

هيكون عندك حد من صحابك اللي علاقتكم هتتحول لحالة حب، بس اللي هيخليه مختلف هو إنكم هتكونوا عارفين بعض كويس في الأساس، النوع ده بيكون دايما مخادع وخطرعلشان ممكن الصداقة اللي بينكم تنتهي بسبب إنكم طورتوها وأخدتوا العلاقة لمرحلة تانية.

وعموما، لازم تكون حريص إن لما تحب الشخص تحبه على اللي هو عليه مش على اللي بتتمن يكون عليه، دول نصايح علشان تقدر تلاقي الحب الحقيقي اللي هيدوم.

1- ماتركزش في إنك تلاقي شريك وتدخل علاقة، لأنه الأهم إنك تبني علاقة مع نفسك الأول

2- اعرف إنك تستاهل إنك تتحب علشان لو حسيت إنك مش كويس كفاية فالشعور ده هينتقل للشريك

3- تخلي عن list الأحلام اللي بتدور عليه في شريكك الكامل لأنه ده هيوقفك عن وصولك للحب الحقيقي

4- إنك تؤمن بالجانب الكويس في الشخص، وماتخليش التجارب السابقة تحدد مستقبلك 

5- خليك محاط ببيئة مناسبة من الصحاب تساعدك على إنك تلاقي شريك مناسب، خليك حريص في اختياراتك للدايرة اللي حواليك

6- الأفلام والروايات دايما مصدر للإلهام بس قصة إن راجل غني يحب بنت فقيرة أو العكس ويتحدوا العالم كله أو يهربه بره البلد، ده مثال رومانسي ومش عقلاني ولو حصل آخرته بتبقى وحشى

  

   

Comments: