كل اللي محتاج تعرفه عن معرض الكتاب 2020: خطوط الأتوبيسات ومواعيد العمل 

21/01/2020

بكره الأربع 22 يناير 2020 هينطلق معرض الكتاب في دورته الـ 51 في مركز مصر للمعارض الدولية والمؤتمرات في القاهرة الجديدة، وهو نفس المكان اللي قام فيه المعرض السنة اللي فاتت، وهيفتح المعرض أبوابه للجمهور بداية من يوم الخميس 23 يناير وهيكمل لحد يوم 4 فبراير.

لو حابب تروح معرض الكتاب السنة دي خلينا نقولك كل التفاصيل اللي محتاج تعرفها عن معرض2020:

مواعيد المعرض يوميا هتكون من الساعة 10 الصبح لحد الساعة 8 بليل.

سعر تذكرة دخول المعرض 5 جنيه 

شعار المعرض السنة دي "مصر أفريقيا.. ثقافة التنوع"، وجمهورية السنغال السنة هي ضيف الشرف 

شخصية المعرض السنة دي هي المفكر الراحل جمال حمدان 

هيكون في معرض الكتاب في دورته الـ 51 حوالي 808 جناح وده كده زيادة حوالى 86 جناح عن السنة اللي فاتت

عدد دور النشر والجهات الرسمية والأجنبية حوالى 900 دار نشر وده زيادة حوالى 153 دار نشر عن السنة اللي فاتت

عدد دور النشر المصرية في النشر العام 389 دار نشر، وعدد التوكيلات 43 

عدد دور النشر المصرية في كتب الأطفال 75 دار نشر وعدد التوكيلات 3 

عدد دور النشر المصرية في كتب التراث والكتب الإسلامية 121 دار نشر وعدد التوكيلات 36 

عدد مكتبات سور الأزبكية هتكون حوالى 41 مكتبة 

وعدد الناشرين في الكتب الصوتية والإلكترونية 7 منصات، وعدد المشاركين من ذوي القدرات الخاصة 3 أشخاص 

أما عدد الناشرين العرب حوالى 255 بإجمالى 900 دار نشر، وعدد التوكيلات 99 توكيل 

غير إنه هيكون في أنشطة بعدد 925 نشاط، وهيكون عدد المشاركين في الأنشطة 3502 

عدد الدول اللي هتشارك في معرض الكتاب السنة دي هتكون 38 دولة يعني زيادة 3 دول عن السنة اللي فاتت 

وهتقدم الهيئة العامة للكتاب جوايز خاصة بالمعرض زي "جائزة الكتاب الأول، جائزة التراث، جائزة أفضل كتاب مترجم، جائزة أفضل كتاب مترجم للطفل، جائزة أفضل ناشر" 

وهتقدم الهيئة العامة للكتاب جوايز تانية وهي أفضل كتب صدرت في 2019 في "الرواية، المسرح، شعر العامية، القصة القصيرة، شعر الفصحى، النقد الأدبى، العلوم الإنسانية، الفنون، الأطفال، الكتاب العلمي، العلوم الرقمية"

وأطلقت بوابة الأزهر الإلكترونية صفحة تفاعلية خاصة لفاعليات جناح الأزهر الشريف في معرض الكتاب 

ده غير إن وزارة الثقافة بالتعاون مع وزارة القاهرة هتقدم خطوط وأسعار مواصلات لمعرض الكتاب في دورته الـ 51 وهتشمل 8 خطوط بإجمالى 80 أتوبيس وهتزيد لـ 100 أتوبيس في أيام "الويك إند"، وسعر التذكرة موحدة لكل الخطوط وهي جنيه، وخطوطه كالآتي:

 الخط الأول: عبد المنعم رياض - رمسيس - معرض الكتاب، عدد الأتوبيسات : 15

• الخط الثاني: العباسية - الحي السادس - معرض الكتاب، عدد الأتوبيسات : 10

• الخط الثالث: النزهة الجديدة - السبع عمارات - معرض الكتاب، عدد الأتوبيسات : 10

• الخط الرابع: الأميرية - المطرية - معرض الكتاب، عدد الأتوبيسات : 10

• الخط الخامس: ميدان الجيزة - السيدة عائشة - معرض الكتاب، عدد الأتوبيسات : 15

• الخط السادس: مدينة السلام - الأوتوستراد - معرض الكتاب، عدد الأتوبيسات : 10

• الخط السابع: المظلات - حدائق القبة - معرض الكتاب، عدد الأتوبيسات : 10

• الخط الثامن: حلوان - الأوتوستراد - صقر قريش

• الخط التاسع: من مدينة 15 مايو لمعرض الكتاب


 

Comments: