شباب بيحكوا عن أول أحداث شكلت وعيهم بالقضية الفلسطينية في طفولتهم

أطفال كتير حاليًا بتتابع الأخبار بشكل ما من السوشيال ميديا أو حتى من التلفزيون والأخبار اللي أهلهم مشغلينه في البيت أو حتى لو أصغر شوية بيتشكل وعيهم عن طريق المقاطعة لبعض المنتجات وأهلهم بيقنعوهم ليه مش هنشتري المنتج ده مثلا! وأكيد في فترة ما في حياتك عشت أحداث زي الأطفال دي وشوفت أخبار على التلفزيون مع أهلك أو سمعت أغاني عن فلسطين أو الانتفاضة خصوصًأ لو أنت من مواليد التسعينيات والتمانينيات 

سألنا مجموعة من الشباب من الجيل ده عن الأحداث اللي شكلت وعيهم بالقضية الفلسطينية في صغرهم ودي كانت ردودهم:

1- وقت استشهاد محمد الدرة ودخول شارون للمسجد الأقصى مع جنود الاحتلال وكان عندي وقتها 5 سنين (ريم)

 

2- الانتفاضة التانية من سنة 200 لـ 2005 (عمر)

3- محمد الدرة يمكن كان قدي وقتها فتخيلت نفسي مكانه هو وانتفاضة الحجارة أول وأكتر حاجة أثرت فيا وكنا ساعتها بنعمل مظاهرات في المدرسة مش فاهمين بنقول إيه بس كنا حاسين بالوجع (مرام)

4- موت محمد الدرة والمظاهرات ساعتها (آية)

5- حادثة محمد الدرة وأوبريت الحلم العربي (عبدو)

6- من وقت ما وعيت على الدنيا (داليا)

7- محمد الدرة كان عندي 6 سنين واستشهاد الشيخ ياسين وكان عمري 10 سنين (سلمى)

8- وقت انتفاضة 2002 ولما كنا بنغني كان رايح مدرستة كان شايل كراسته في الطابور وكنت في 3 ابتدائي يعني 8 سنين ووقتها عرفنا قصة محمد الدرة (شروق)