أتفه 9 أرقام قياسية في موسوعة "جينيس".. كسر 46 قاعدة تواليت بالراس

25/02/2020


الأرقام القياسية في موسوعة "جينيس" دايما بتعبر عن إنجازات عظيمة أو على الأقل قيمة أضافها صاحب الرقم في مجال ما، لكن في سجلات الموسوعة أرقام تافهة خلقتها الصدفة، ومابتعبرش عن أي إنجاز ولا إضافة:

1- "كيفين شيلي" كسر ٤٦ قاعدة حمام براسه في دقيقة واحدة

2- أكبر عدد دعاوى قضائية يرفعها شخص واحد هو جوناثان ريتشارد اللي رفع أكتر من ٤ آلاف قضية على شركات وأشخاص من ضمنهم بيبل جيتس والبابا بيندكت السادس عشر

3- البرازيلي ماركو ريبيرو دا سيلفا دخل الموسوعة بعد ما قلع ٢٢ تيشيرت في نفس الوقت اللي كان بينطق فيه الكورة على دماغه

4- ميشيل لوتيتو كسر الرقم القياسي في أكل المعادن ودخل الموسوعة عشان كل ٩ طن حديد ومعادن طول حياته، من ضمنهم طيارة هيليكوبتر كاملة

5- مادلين ألبريخت، عامل في واحد من معامل اختبار جودة مزيلات العرق ومنتجات رايحة الأقدام، شم في حياته أكتر من ٥٦٠٠ رجل وحوالي ٦ آلاف "إبط"، وده رقم قياسي سجلته موسوعة "جينيس" ومفيش حد عاقل هيقدر يكسره

6- سريدار شيلال، راجل هندي دخل موسوعة "جينيس" لأنه فضل من غير ما يقص ضوافره لمدة ٦٦ سنة

7- لأن حصوة الكلى مهما كبرت مش بتتجاوز حجم كورة الجولف، كان طبيعي إن المجري ساندور ساراكادي، يسجل رقم قياسي عالمي لما استخرجوا حصوة من كليته وزنها ١.١٣ كيلوجرام وفي حجم ثمرة جوز هند

8- الأمريكي إيفل نيفل، المتخصص في القفز من الدراجات النارية هو صاحب الرقم القياسي لإكبر عدد كسور عظام وصلت لـ ٤٣٣ كسر في جسمه كله

9- "أكبر كمية بطيخ تتقطع على البطن"، ده اسم رقم قياسي حقيقي متسجل في "جينيس" لراجل اسمه بيبن لاركن، قدر في دقيقة واحدة وهو نايم على ضهره يقطع فوق بطنه ٤٨ بطيخة باستخدام سكينة طويلة شبه "المنجل"

Comments: