إزاي تعرف إن شريكك بيستغلك؟

17/03/2020

من أسوأ الحاجات اللي ممكن يتعرض لها أي شخص في علاقة هو "الاستغلال" واللي ممكن يبقى بأكتر من صورة.. استغلال عاطفي، مادي، وحتى نفسي! 
بس إزاي تقدر تحدد إن شريكك بيستغلك؟ أو عشان أنت نفسك ماتعملش ده في شريكك، هنقولك عشر علامات أو اشارات ممكن تعرفك ده.
1-لو أساس العلاقة من البداية كان لتحقيق مصلحة من اي نوع، فدي علامة خطر. 

2- لو كان شريكك بيحاول يأثر على اختياراتك وقراراتك ويتدخل فيها، ويفرض وجهة نظره.
2-بيبعدك عن دايرة الأمان الخاصة بيك أهلك واصحابك، مش بيحترمهم.
3-بيقلل من قيمتك قصاد الناس،  أو بيهمش دورك.
4- بيستغل مكانته عندك في إنه بيتكلم على لسانك، أو ياخد خطوات في علاقاتك بالناس بالنيابة عنك.
5- -بيقلل من قيمة انجازاتك، من غيره مش هتنجح ولا توصل.
6-بيهز ثقتك بنفسك، بيضغط على نقاط ضعفك من خلال إبرازها وانتقادها دايماً. 
7-بيحاول يغيرك، الحب يعني "التقبل" اللي بيحب حد بيقبله زي ما هو.
8- يتفه من اهتماماتك أو هواياتك، ويحاول يجرك تبقى شبهه أو زي ما هو عايز.
9- هيشكك في أي شخص غيره، حتى لو أهلك وهيقنعك إن مفيش حد ممكن يحبك او يبقى عايز مصلحتك قده.

لو لقيت أي حاجة من دول أو كذا حاجة منهم موجودة في علاقتك بشريكك، يبقى اهرب يا ياسين.. اهرب ربنا معاك! 

Comments: