١٠ أخبار مالهمش لازمة لو عايز تفصل عن أخبار الكورونا

19/03/2020

بما إننا بقالنا كام يوم مابنشوفش حاجة على التايملاين غير أخبار عن الكورونا في مصر والعالم، فجمعنالكم 10 أخبار مالهاش لازمة مش هتستفاد حاجة لما تقراهم غير إنك هتفصل شوية بس:
1- فيفي عبده إمبارح قابلت "ياسمين صبري" في الطيارة وصوروا فيديو مع بعض حكوا فيه إنها صدفة حلوة وقد إيه هما بيحبوا بعض.

2- حمادة صدقي المدير الفني لنادي "سموحة" نفى وجود مفاوضات مع النادي الأهلي من أجل ضم ناصر ماهر صانع ألعاب الأهلي.

3- إنفلونسر اسمها "ريبيكا اللبنانية" طلعت نفت الإتهامات بإنها راجل متحول جنسي ونزلت وثائق تثبت ده.

4- وزير الخارجية الأمريكي "مايك بومبيو" بيتهم طهران بإخفاء أرشيف بيانات الأسلحة النووية.

5- مجلس إدارة النادي "المصري" تراجع عن الاستقالة الجماعية اللي اتقدموا بيها الأيام اللي فاتت اعتراضاً على الهجوم اللي بيتعرض له المجلس من الجماهير عشان بقالهم فترة بيخسروا كتير.

6- فلكياً بكرا المفروض هيبقى نهاية فصل الشتا وهيبتدي فصل الربيع أخيراً وربنا يستر.

7- الممثل العالمي "أورلاندو بلوم" أعلن في حوار له إنه كان ممتنع عن الجنس لمدة 6 أشهر لحد ما اتعرف على "كاتي بيري" وبدأت علاقتهم العاطفية.

8- المطربة الشعبية "أمينة" طرحت أغنية جديدة بمناسبة عيد الأم اسمها "ادعيلي ياما"

9- الشرطة البريطانية ألقت القبض على حمارين صغيرين هربوا من المزرعة عشان يتمشوا في الشارع مع بعض.

10-عبير صبري نزلت ستوري على انستجرام لهدية جايالها من "يسرا" عبارة عن سلسلة دهب بميدالية على شكل الكف عشان تحميها من الحسد.


 

Comments: