٥ أخبار مالهاش لازمة لو عايز تفصل عن أخبار الكورونا!

25/03/2020

1- لاعب النادي الأهلي محمد أفشة نزل في المنطقة بتاعته يشرب شاي ساعة العصاري مع بعض المزارعين اللي شغالين في أحدى الأراضي الزراعية.

2- داليا البحيري نزلت ستوري على انستجرام بفيلتر مريب كده ونصحت المتابعين بتوعها إنهم يغسلوا أسنانهم كويس.

3- مرتضى منصور نفى ما تردد حول رحيل لاعبا فريق الزمالك كابونجو كاسونجو ومحمد عنتر، والواحد بصراحة مكانش عارف من غير الخبر ده كان هيكمل يومه إزاي.

4- المغنية الأمريكية Demi Lovato أعلنت إنها في الفترة دي بـ Date الفترة دي المغني والممثل الأمريكي Max Ehrich، وبصراحة أهي حاجة تحزن إنهم بيرتبطوا واحنا مقضينها أكل بس في الحظر أهو.
 

5- حمادة هلال أصدر أغنية جديدة بعنوان "ست الستات" وصرح في حوار صحفي إنه مش هيشارك في مسلسل جديد في الموسم الرمضاني اللي جاي عشان ماتعرض عليه عمل مناسب.

بكده تكون خلصت جرعتنا من الاخبار اللي مالهاش أي لازمة أتمنى تكونوا ماستفادتوش أي حاجة فعلاً لأن ده هو المطلوب واستنونا في نشرة أخبار مالهاش لازمة جديدة!

Comments: