بنك الأسئلة: العب مع أصحابك واكتشف مين يعرفك كويس؟

26/03/2020

في إطار تضامنا مع مبادرات العالم لتسليتك وتشجيعك تقعد في البيت، بنقدملك "بنك الأسئلة" والمرة دي عشان تلعب مع أصحابك وتكتشف إذا كانوا يعرفوك كويس فعلًا ولالا.. خلينا نقول إنها تسلية للوقت والنتيجة بردو هتكون ذات مغزى لأنها هتخليك تشوف صداقاتك بشكل مختلف!

1- إيه أكتر حاجة بتخوفني؟

2- إيه المكان اللي دايمًا هتلاقيني فيه؟

3- أكتر أكلة بحبها؟

4- أكتر أكلة بكرهها؟

5- مين آخر حد كنت بكراش عليه؟

6- طب مين الكراش اللي أخد من حياتي حيز كبير؟

7- اليوم المثالي بالنسبة لي هو اللي بعمل فيه إيه؟

8- إيه أكتر لعبة أنا فعلًا شاطر فيها؟

9- قولي 3 حاجات آراءنا متفقة عليها تمامًا.

10- إيه أكتر حاجة بتعصبني؟

11- إيه أكتر حاجة بتبسطني؟

12- لو قدامي بسكوت، كيكة، آيس كريم.. هختار إيه؟

13- إيه مشروبي المفضل؟

14- لو معايا مبلغ كبير، هصرفه على إيه؟

15- إيه أكتر موقف محرج مر عليا في حياتي؟

16- لو هنجيب حد المشاهير يبقى صاحبنا التالت هيبقى مين؟

17- إيه الهدية المثالية اللي ممكن حد يجيبهالي؟

18- أكتر مكان نفسي أسافرله؟

19- بفضل الحلويات ولا الحوادق؟

20- أكتر شخص كان له تأثير في حياتي؟

21- أكتر موقف حزين حصل في حياتي؟

22- أكتر موقف مفرح حصل في حياتي؟

23- إيه أكتر حاجة ما أقدرش أعيش من غيرها؟

24- هل أنا بحب أجرب حاجات جديدة؟

25- هل أنا ممكن أبقى مؤمن بوجود عفاريت أو كائنات فضائية؟

26- فيه أي لازمة دايمًا بقولها في كلامي؟

27- إيه المكان اللي ممكن نقضي فيه أجازة مع بعض؟

28 - هل فيه حاجة معينة بحب أجمعها؟

29- إيه أكتر موقف متكرر في حياتي؟

30- أكتر حاجة ما بحبهاش في نفسي؟

31- إيه أكبر مشاكلي مع العلاقات؟

32- إيه أكتر حاجة أنا شاطر فيها؟

33- إيه أكتر حاجة أنا فاشل فيها؟

34- إيه أول شغل اشتغلته؟

35- إيه أحسن شغل اشتغلته؟

Comments: