خمس وصفات شهية.. لكيكة الحظر الشقية

31/03/2020

كتبت: مرام أبو النجا

بما إن كلنا قاعدين.. وريحة الكيكة بتهفهف من كل شارع وكل بيت، هنقولكوا خمس وصفات كيك سهلة وتقدروا تنفذوها بسهولة

1- كيكة المج Mug Cake

المكوّنات:

4 ملاعق كبيرة دقيق

4 ملاعق كبيرة سكر

ملعقتان كبار كاكاو/ أو نسكافيه حسب الرغبة

بيضة  واحدة 

3 ملاعق كبيرة حليب مجفف 

3 ملاعق كبيرة زيت

ربع ملعقة صغيرة فانيليا 

نصف ملعقة صغيرة بايكنج باودر 

ملعقة صغيرة دقيق لدهن المج 

ملعقة صغيرة زبدة لدهن المج

طريقة التحضير:

1- نخلط الدقيق والسكر والكاكاو والبيض والحليب والزيت والفانيليا والباكينج باودر بواسطة الخلاط الكهربائي.

2- نسكب المزيج في ماج مدهون بالزبدة و الدقيق ويدخل المايكرويف لمدة دقيقتين وتبقى الكيكة جاهزة.

2- كيكة الزبادي

المكوّنات:

كوب ونصف دقيق

ملعقتان بايكنج باودر

نصف ملعقة صغيرة ملح 

كوب سكر 

كوب لبن زبادي

ملعقة كبيرة قشر ليمون مبشور  

نصف كوب زيت نباتي 

بيضتين 

نصف ملعقة صغيرة فانيليا
 

طريقة التحضير:

1- نسخن الفرن على حرارة 180 درجة مئوية

2- نخلط الدقيق والبايكنج باودر والملح في طبق

3- نخلط السكر مع قشر الليمون المبشور واللبن الزبادي والبيض والفانيليا لحد ما تمتزج المكونات 

4- نضيف الخليط إلى المكونات الجافة ونقلب كويس

5-  نحط المزيج في قالب خاص بالكيك مغطى بورق الزبدة

6- وندخله الفرن لمدة 50 دقيقة.. وخمسة مواه 

3- المافن

المكوّنات:

كوب دقيق ذرة 

كوب دقيق عادي

ثلث كوب سكر

ملعقتان صغيرتان بايكنج باودر

نصف ملعقة صغيرة ملح

بيضة مخفوقة
ربع كوب زيت 

كوب لبن

طريقة التحضير:

1- نخلط دقيق الذرة، الدقيق، السكر، والبايكنج باودر والملح في طبق كبير

2- نضيف البيضة والزيت ونقلب كويس لتجانس المكوّنات

3- نصب الخليط في قوالب المافن ويدخل الفرن لمدّة 20 دقيقة
 

الوصفة الجاية دي بقى عشان الظروف الصعبة، عشان كلنا عارفين إن المنتجات في السوبر ماركت ناقصة شويتين..

بس ده مش هيمنعنا أكيد نعمل كيكة..

4- كيكة من غير بيض ولبن

المكوّنات:

2 كوب دقيق  

كوب ماء

ثلاثة أرباع كوب سكر 

كوب عصير برتقال  

ملعقة صغيرة فانيليا 

ملعقتان صغيرين باكينج باودر 

ثلاثة أرباع كوب زيت نباتي 

طريقة التحضير:

1- بنخلط الماء ،عصير البرتقال، السكر والفانيليا في طبق

2- في طبق تاني بنخلط البايكنج باودر والدقيق، ونضيف المزيج إلى الخليط السابق، ونخلطهم مع بعض بالمضرب الكهربائي لحد ما يتجانس، ونضيف الزيت تدريجياً ونقلب لحد ما نحصل على عجينة.

3- ندهن الصينية  اللي هتدخل الفرن بالزبدة ونرش دقيق، ونصب الخليط في الصينية

4- ندخل الصينية لفرن محمّى مسبقاً على حرارة 180 درجة، لمدة 35 دقيقة وتبقى جاهزة
 

5- تشيز كيك

 

المكوّنات:

كوبايتين بسكويت شاي مطحون

ملعقتان كبار زبدة مذوّبة 

ولتحضير الحشوة:

200 جرام جبن كيري

كوب لبن زبادي

نصف كوب قشطة

ربع كوب عصير ليمون 

5 ملاعق كبيرة سكر

طريقة التحضير:

1- لتحضير القاعدة، في طبق هنخلط البسكويت مع الزبدة لحد تجانس المكونات

2- في صينية فرن رصي خليط البسكويت ونسيبه شوية

3- في وعاء الخلاط الكهربائي نضيف لبن الزبادي، القشطة، جبن الكيري، الليمون والسكر ونقلب كل ده كويس

4- نصب المزيج  ده فوق البسكويت ونشيل الصينية في الثلاجة لحوالى 3 ساعات على الأقل.

5- هيبقى معانا أحلى تشيز كيك.. أيوه بقى ويلا بقى
 

بالهنا والشفا مقدماً على أي كيكة.. وربنا يسترها من الكالوريز اللي داخلة علينا دي!

Comments: