موقع "Esaal" بيقدم خدمة مجانية للاستشارات الطبية عن فيروس كورونا

09/04/2020

أوقات كتير بتعدي علينا لازم نختار فيها أو ناخد قرار، ولإن فيه مواقف بتكون حاسمة فلازم تاخد رأي حد تاني معاك، ولإن من أكبر الغلطات اللي الواحد ممكن يقع فيها هو إنه يكتب مشكلة تخصه على "جروب" فيسبوك عشان ياخد رأي الناس أو يـ"جوجل" حاجة ليها علاقة بيه سواء كانت بصحته الجسدية أو النفسية أو في حياته في المطلق، فالأحسن إنك تاخد رأي متخصص لو عايز تسأل على حاجة لإنه هيسمع منك ويقولك إيه الأنسب ليك ولحالتك.

وده اللي ممكن تعمله وإنت قاعد في بيتك قدامك اللاب توب أو الموبايل عن طريق موقع "Esaal.me"، وهو عبارة عن موقع استشارات بيربط الأشخاص بخبراء معتمدين في مجالات مختلفة عشان يجاوبوا على أسئلة الناس ويساعدوهم إنهم يخلوا حياتهم أحسن عن طريق مميزات تقدر تستغلها زي:

1-  استشارات مجانية عن فيروس كورونا:

نظرا لتفشي وباء "كورونا" فموقع Esaal.me فعل خدمة للاستفسار والحصول على استشارات متعلقة بفيروس "كورونا" طول الوقت 24 ساعة 7 أيام في الأسبوع مجاناً، كجزء من خطة اتجاه الموقع لخدمة المجتمع والمساهمة في تقليل عدد الإصابات، وده عن طريق إن مجموعة كبيرة الدكاترة والخبراء في كل التخصصات الطبية هيردوا على الناس في أي استفسارات طبية من غير مقابل.

2- المجال الطبي:

من ضمن المجالات المختلفة الموجودة في موقع Esaal.me، هي المجال الطبي زي الباطنة العامة وطب الأطفال والتغذية، وهيرد عليك دكاترة متخصصين في أي وقت على مدار الـ 24 ساعة طول الأسبوع، وده هيبقى أسهل بالنسبة لنا إنك تستشير دكتور وإنت قاعد في بيتك خصوصا الفترة دي بسبب صعوبة إنك تروح مستشفيات أو عيادات لإنها أماكن محتمل يبقى انتشر فيها الفيروس أو يكون فيها مصابين وبسبب حظر التجول كمان.

3- مجالات مختلفة:

موقع Esaal عليه أكتر من 17  مجال مختلفين ممكن تختار المجال اللي عندك سؤال أو استشارة فيه وتسأله لخبير وتتناقش معاه، المجالات بتشمل العلاقات والاستشارات الزوجية والأبراج والطبخ والسفر والاستشارات التربوية واللياقة وتفسير الأحلام والموضة والتجميل والاستشارات القانونية والطب بمختلف أنواعه، سواء أطفال أو نفسي أو تغذية أو باطنة عامة ومجالات تانية.


4- الوصول للخبراء سهل:

موقع Esaal بيسهل عملية التواصل بين الخبراء وبين المشتركين وده بيخلي خدمتهم مميزة لإنه بيسهل على المستخدم إنه يوصل للخبير في أي وقت طول اليوم على مدار أيام الأسبوع، وعدد الخبراء بيزيد مع الوقت.

5- إجابات محددة:

التواصل مع الخبير أو المختص بيديك الفرصة تشرح له كل حاجة عن حالتك أو موقفك، عشان يرد عليك بتفاصيل محددة وحلول تناسبك مش كلام عام زي اللي موجودة على أي محرك بحث ممكن تشوف عليه معلومة عامة

6- متوفر بكذا لغة:

الموقع متوفر بـ 3 لغات وهما العربية والإنجليزية والفرنسية وبيخدم 10 دول وهما مصر ، الإمارات العربية المتحدة ، ليبيا ، فلسطين ، قطر ، الجزائر ، تونس ، المملكة العربية السعودية ، وغيرها

Comments: