قايمة بـ 5 ألبومات موسيقى تصويرية رايقة تساعدك على الشغل

15/04/2020

كتب: كابتن بسلة

لو زهقت من المزيكا أو الأغاني اللي بتسمعها وأنت شغال عشان تقدر تركز في الشغل، خليني اقترح عليك شوية ألبومات لموسيقى تصويرية مختلفة ورايقة هيغيروا موود قعدة الشغل بالنسبة لك وهيساعدوا إنهم يصفوا دماغك ويفصلوك عن العالم الخارجي شوية.
ده لأنها كانت موسيقى تصويرية لأفلام بنفس روقانها، فمنها تسمع مزيكتها وبعدين تتفرج على الفيلم لو مشوفتهوش أو تسمع مزيكتها وتفتكر الفيلم وحالته.

وكفاية كلام كدة ويلا نسمع.

1- موسيقى فيلم A Beautiful Mind

الموسيقى من تأليف العبقري James Horner -الله يرحمه- والفيلم من أفلام السيرة الذاتية ومن إنتاج 2001 وبطولة "راسل كرو".. ودي البلاي ليست بتاعته

2- موسيقى فيلم Mr. Nobody
الموسيقى من تأليف البلجيكي Pierre Van Dormael والفيلم إنتاج 2009 بطولة "جاريد ليتو" ومن أفلام الخيال العلمي ودي البلاي ليست بتاعته

3- موسيقى فيلم Home Alone

الموسيقى من تأليف John Williams والفيلم إنتاج 1990, طبعا المزيكا دي أكيد حافظها وسمعتها 100 مرة في حياتك في الفيلم ولكن بيختلف لما تسمعها لوحدها بس لأنه برغم إنه فيلم كوميدي عائلي ولكن جون ويليامز عمل موسيقى تصويرية أيقونية للفيلم ده خليتها تقريبًا الموسيقى التصويرية الرسمية لأي موسم أعياد كريسماس.. ودي البلاي ليست بتاعتها.

4- موسيقى فيلم The Legend of 1900

الموسيقى من تأليف Ennio Morricone والفيلم إنتاج 1998 وهو فيلم موسيقي رومانسي هيعجب جدًا عشاق البيانو ودي البلاي ليست بتاعته

5- موسيقى فيلم The Terminal 

الموسيقى من تأليف John Williams  والفيلم إنتاج 2004 بطولة "توم هانكس" ودي البلاي ليست بتاعته

كدة خلصت الليستة نتمنى لكم تجربة موسيقية لطيفة وشغل بروقان

Comments: