٥ نصايح لو قعدة البيت خلتك تجيب Puzzle ألف قطعة أو أكتر لأول مرة

22/04/2020

لو العزل الصحي وقعدة البيت عملت عمايلها معاك وفكرت في اتباع الأفكار المتهورة اللي بتقولك هات Puzzle ألف قطعة ولا ألفين ولا تلاتة ما احنا فاضيين بقى.. مش هنلومك طبعًا لأن احنا فعلًا قاعدين وفاضين وهي سحلة جامدة، لكن بس حابين نقولك إن الموضوع مش ساهل كما يبدو، والصورة الحلوة اللي على العلبة دي مش هتوصلها بالسهل!

إحنا هنقولك كام نصيحة بس كده عشان لو أول مرة تطلع الطلعة دي:

1- اختار مكان مريح يكفي الصورة كلها لأن مش هينفع تبدأ في مكان وتنقل، ويريحك وإنت شغال عشان القعدة هتطول، فمثلًا مكتب أو ترابيزة السفرة هيكونوا مناسبين بس حط عليهم حاجة خشبية مثلُا تقدر تنقل بيها اللوحة.

2- ابدأ بالـ frame بالحدود بتاعة اللوحة ده هيساعدك تدخل منها واحدة واحدة على تفاصيل الرسمة.

3- قسّم القطع حسب الألوان، كل مجموعة متشابهة في الدرجات والزخارف أو الرسم خليها مع بعض، ده هيقلل الاحتمالات شوية بتاعة كل جزء.

4- لو فيه أجزاء واضحة وكبيرة في الصورة ابدأ بيها.

5- خد بريك من وقت للتاني عشان تريح دماغك وعينيك وتقدر ترجع تركز تاني.

Comments: