صور تجمع أشهر أزياء أقنعة الوجه في دول العالم

25/04/2020

وكالة "رويترز" جمعت للعالم أبرز اللقطات المختلفة لارتداء العديد من أنواع الكمامات أو أقنعة الوجه اللي بتعكس كل صورة منهم هوية الشخص اللي لابس القناع والبلد المنتمي ليه وكمان بترسم طابع مختلف لحدث كورونا بعيداً عن فكرة الفيروس نفسه وإليكم ما اخترناه لكم من هذه الصور:

1. الصورة ده تم التقاطها من المصور "Ivan Alvarado"  لراجل واقف في محطة اتوبيس في تشيلي بمدينة سانتياغو بيتبع التعليمات عشان نا يجليوش كورونا ولكن قرر تصميم كمامته الخاصة بيه واللي شكله في لبسها شبه شخصية سلسلة أفلام "الجوكر".

2. الصورة لطفل صغير يعيش في ضواحي بانكوك بتايلاند وهو لابس كمامة صفرا، والكمامة تقرييباً مغطية تقريباً وجه الطفل لغاية الرقبة واللقطة كانت لمصور إسمه "Athit Perawongmetha".

3. الصورة ده لمواطن من بيرو وتحديداً من مدينة ليما لراجل صنع أغرب أشكال أقنعة الوجه بنفسه زي ما إحنا شايفين هو اختصر وجاب من الآخر، بس يمكن ما يعرفش يقلع القناع ده مرة تانية لأنه على ما يبدو للاستعمال مرة واحدة بس، وده التقطها المصور "Sebastian Castaneda".

4. الصورة لـ"Danish Ismail" وهي لراجل هندي عجوز من مدينة سريناغار تحديداً والمميز فيها إنها يا دوب على قد منطقة الفم والأنف بس مع ملامح جواها حكايات كتير رغم وجود الكمامة.

5. الصورة لامرأة ترتدي قناع وجه بتصميم يشبه ابتسامة وحش شريرة وتم تصميمها من "Iva Maria" وهي سيدة تقوم بتصنيع مختلف أشكال الأقنعة داخل منزلها بالبرازيل، واللقطة كانت للمصور "Washington Alves".

6. الصورة ده لعامل جنازات "حنوتي" يعني من أمام مستشفى لوس سيبوس في الإكوادور وهي لا تحتاج لشرح أو تفسير فهو لابس فعلياً قناع عليه صورة المسيح، وأعتقد إن التأمل فيها بيوضح صعوبة وظيفة الراجل ده وخاصةً في تلك الأيام، اللقطة المميزة دي كانت للمصور "Santiago Acros".

7. الصورة هنا مختلفة وهي لسيدة تتظاهر في وارسو أمام البرلمان البولندي ضد تشديد إجراءات الإجهاض، الكمامة هنا عادية ومش بتبرز تصميم معين أكتر ما هي حطت التتش بتعها وعلقت قماشة على شكل شماعة هدوم فوق الكمامة العادية، وكانت اللقطة لـ"Kacper Pempel".

8. اللقطة هنا مبهجة ومحزنة في وقت واحد فهي لطفلة نازحة في قرية بشمال مدينة إدلب في سوريا، وهي تظهر نشاط توعوعي للأطفال لتجنب الإصابة بالفيروسات، القناع في الصورة مفيش أي جديد غير الرسمة اللي باللون الأصفر اللي يمكن بتظهر ملامح الطفلة الحقيقية من غير ما نشوف وشها اللي مغطيه الكمامة مع تيشرت الباندا، وكانت للمصور "Khalil Ashawi".

9. ده أحد أفراد القوات المسلحة الوطنية في إندونيسيا وتحديداً من جاكرتا وهو لابس كمامة بتساعد الناس إنها تتخطى أزمة كورونا اللي العالم عايش فيه والكمامة هنا أو القناع ألوانه مبهجة ومكتوب عليه ابقى في أمان كرسالة من الجندي للشعب والتقطها "Dinar Ulfiana".

10. الراجل ده جاب من الآخر قرر يلبس ماسك كامل بس مش مغطي جبهة رآسه بس، الصورة من داخل ضواحي لندن ببريطانيا لـ"Hannah Mckay".

11. الصورة هنا من إندونيسيا برضه لكن لعامل مرور إسمه علي أكبر وعنده 52 سنة  قرر إنه يتسخدم إزازة البلاستيك بتاعة الشرب بالحنفية بتاعتها ومفيش حد أكيد يعرف الحكمة من كده غيره هو، اللقطة للمصور "Hendra Nurdiyansyah".

12. الصورة ده من مدينة "ووهان" بالصين وطبعاً كلنا عارفين إنها أول مدينة ظهر فيها حالة كورونا في العالم كله، اللقطة بتظهر راجل حلاق إسمه "يانغ" وعنده 54 سنة قرر إنه يبتكر كمامة أو قناع بس بشكل يتناسب مع اللي حصل للمدينة، وهو عبارة عن تجميعة من ازازة مياه وقناع تنفس مرفق بأنبوب بلاستيكي، واللقطة هنا كانت لـ"Aly Song".

13. المصور "Ann Wang" صور اللقطة ده لمشجعين البيسبول في مدينة داخل تايوان وهنلاحظ في الصورة إنه الكمام مخلية كل اللي جوا الصورة شبه بعض والحاجة الوحيدة اللي تقدر تفرق بيها هي رسمة الابتسامة على الكمامة مختلفة حبتين، وده حقيقي بيفكرنا بالكليب المصري الصيني  "بسبوسة".

14. وأخيراً نختم بصورة من الهند لراجل عجوز ظاهر بعدسة المصور "Danish Ismail" وهو لابس كيس بلاستيك في محاولة منه لحماية نفسه بالإمكانية اللي قدر يعمل بيها كده.

Comments: