دراسة: أكل الوجبات السريعة بيعرضنا للخرف والزهايمر

06/05/2020

دراسة نشرها موقع " The Sun" من إن علماء أبرزوا إن أكل البرغر بيلعب دور كبير في الأنظمة الغذائية داخل جسم الإنسان اللي بتسبب في الإصابة بمرض الزهايمر.

الدراسة بتقول إنه الـ"Junk Foods" وده مصطلح كلنا عارفينه عن كل أكل الشارع عامةً بتحتوي أغلبها على مواد حافظة ضارة جداً لصحة الإنسان، وده بيشمل كل المنتجات النشوية زي العيش والأرز والمكرونة والبسكويت والكيك عامةً بأنواعه المختلفة.

الدراسة مستندة على نتائج تم إجرائها على أكثر من 600 شخص في جنوب غرب فرنسا ثلثهم تقريباً بيعاني من الخرف، وقال الدكتور سيسيليا ساميري من جامعة بوردو: "إن الأشخاص اللي بيعانوا من الخرف كانوا مياليين دايماً  للجمع بين اللحوم المعالجة زي البرغر واللحوم المقددة والنقائق والأطعمة النشوية زي البطاطس والكحول والوجبات الخفيفة اللي زي الكيك أو الكوكيز.

وده بعكس الناس اللي لا تعاني من أمراض خرف أو زهايمر لتناولهم أطعمة أكثر تنوعاً وفائدة زي الخضار والفاكهة والمأكولات البحرية.

الدراسة بتأكد إنه ده بيرجعنا لفكرة كلنا مدركين أهميتها من سنين إن النظام الصحي الغني بالأطعمة الغير معالجة يعني اللي مفيش فيها مواد حافظة بيساعدنا في الحفاظ على الصحة العقلية، وبرضه أشارت أحدث الدراسات في الموضوع ده إنه الطريقة اللي بنآكل بيها أطعمة الـ"Junk Foods" مع بعضها ترتبط علمياً ارتباط مباشر بخطر إصابتنا لأمراض الخرف أو الزهايمر.

ذكرت الدراسة إنه في بريطانيا فقط في (850) ألف شخص بيعانوا من أمراض الخرف، ومن المتوقع زيادة العدد ده لـ2 مليون شخص في سنة 2050 بسبب الشيخوخة السكانية واللي بترجع كتير منها لسوء التغذية اللي بيتعرضله المواطنين والبعد عن الوجبات السليمة اللي ممكن يبقى ليها إسهام كبير في الحفاظ على الصحة العقلية.

الدكتور "ساميري" أكد إنه كيفية استهلاكنا للأغذية بشكل عام بجميع أنواعها مهم جداً عشان تكون وقاية للإنسان بشكل عام من أمراض الخرف والزهايمر.

المصدر:

http://www.thesun.co.uk/news/11459035/eating-burgers-sausages-dementia/

Comments: