طرق لتدريب عقلك على النجاح في الأوقات المضطربة

26/04/2020

إذا كان عقلك جواه أفكار شغل كتير جداً، بس إنت مش عارف تجمع شجاعتك عشان تحولها لإنتاج على أرض الواقع، أو إذا كنت قطعت نص المشوار ولاقيت نفسك كتير كأنك مهنج كده، يبقى ساعتها لازم تشتغل على نفسك في شوية حاجات في وقت اللي بيصيب فيه عقلك الغموض ده.

من حسن الحظ أن هناك طرق تقدر من خلالها تدرب عقلك عشان تمتلك العقلية الصحيحة لتتحقق من أي عمل في المطلق:

1. بدل خوفك كله بمزيد من الفضول:

يعني إذا كان عندك شوية رهبة كده من إنك تخوض أي مجازفة أو على وشك اتخاذ قرار مهم، ففكر في الأمر بإعتباره فضول واستكشاف، وكل ما حسيت بالقلق تجاه "Task" أو قرار معين قل لنفسك إنك بتبص على النتيجة النهائية وده أكيد هيخليك أكثر انفتاحاً على كل التجارب في عملك، وهيمنحك كمان شجاعة عشان تجرب حاجات جديدة.

2. روح اعمل الحاجة اللي بتخاف منها:

أكتر طريقة لتدريب عقلك بشكل حقيقي ومقاومة إجهاده هي إنك تقرب أكتر من الحاجة اللي إنت شايف إنك مستحيل تعملها، قرب من الخطر وافتكر إنه مش هيحصل أي حاجة إذا فشلت أحسن ما تستسلم لرضوخ عقلك في وقت ما هتبقى حاولت وأكيد هتوصل لنتيجة مرضية هتخليك بعد كده عندك قدرة في إنك تثق في قراراتك أكتر.

3. تعلم أن تثق في حدسك:

القدرة على التفكير بسرعة وحسم في اللحظات المناسبة ممكن تفسرلك إزاي تقدر تواكب ظروف شغلك، والمهم في كل ده إن غريزتك الأولى في التفكير "حدسك" هيكون أفضل دليل عشان تعرف توصل لقرار في شغلك، وأهم تحدي ممكن يواجهك هو إنك تتعلم تثق في الغريزة ده، وأفضل حاجة تعرف تقيس بيها ده هو إنك تستخدم إحساسك ده على القرارات الكبيرة والصغيرة داخل شغلك ومع الوقت هتعرف إنه ده أصح وسيلة هي إنك تكون واثق في صوتك الداخلي اللي بينبهك تعمل أي حاجة إزاي وإنك تتعود تثق فيه.

4. قدَر نفسك:

طبعاً التخطيط المُسبق و وضع الأهداف بشكل واضح قدامك ده أمر بالغ الأهمية، لكن برضه إدراك إنك حققت إيه وإيه اللي لسه ما اتحققش ده برضه مهم، بمعنى إنك تخطف لحظات من وقتك بشكل يومي عشان تقدر تقيم التقدم اللي حققته لغاية اللحظة ده، وتقديرك لنفسك في متابعتك لأهداف وأفكار العمل بشكل عام.

حتى إن لم تسير الأمور على ما يرام فإن كل فشل بتوصله بيشكل تجربة تعليمية ليك، ودائماً هيكون في شئ يحسسك باستحقاق الامتنان والنجاح.

5. تعرف على نجاحك في الوقت الحاضر:

من الأفضل إنك تفضل مركز على هدفك النهائي لكن إذا كنت بتفكر دايماً في نجاحك أو تحققك من أمر ما إنه شئ بعيد المنال تماماً، فهيفضل دايماً عندك شعور إنك ما عملتش ما يكفي عشان يوصلك لهدفك أو للهدف المرجو في شغلك، والحل هنا إنك بدل ما تركز تفكيرك في نجاحك في المستقبل، حاول إنك تركز كل مجهودك في تفكيرك في الحاضر، بل قل لنفسك "سأحقق ذلك" أو "أنا أصنع ذلك فعلاً" وده صح جداً فكل يوم بتشتغل فيه على حاجة معينة هو جزء لا يتجزأ من نجاحك اللي عاوز تحققه في النهاية.

6. اتعلم دايماً إنك تسأل عن اللي إنت عاوزه:

دايماً اسأل على الحاجة اللي إنت محتاجها أو عن سؤال إنت عارف إنك من الصعب تلاقي إجابته، ومن المهم جداً إنك تتغلب على العقبة ده بعينها وإنك تبدأ تتعامل بشكل مباشر مع توقعاتك تجاه أي أمر أو حاجة جديدة عليك أو محتاج تسأل عنها، بمعنى إنك لازم تكون واقعي مع توقعاتك وبالطريقة ده تقدر تعزز ثقتك في نفسك وفي نفس الوقت ثقة اللي قدامك فيك.

7. مارس التمارين الرياضية وحافظ على صحتك:

هيئتك الصحية الجيدة بتعزز من فكرة إن مخك يدور بشكل صحي وسليم، يعني ممارسة التمارين الرياضية بانتظام مش بس هيساعدك إنك تحافظ على مستوى توترك ده كمان هيوفرلك وقت إنك تفكر بشكل سليم في حياتك عموماً بعيد عن الشغل، يعني كونك بتلعب رياضة وبتحافظ على نظام غذائي صحي هتكون أقل شعور بالتعب والإرهاق وبالتالي هتبقى على استعداد تام إنك تدير عملك بشكل ناجح.

8. ابتعد عن المحبطين وزود ثقتك بنفسك:

البشر انطباعيين إلى حدٍ ما ومهما كان عملك أو منصبك هيكون في دايماً شخص يحاول أن يقلل من شأن ما تفعله أو ينتقدك، وبطبيعة الحال ممكن يكون انتقاده ده بناء، ولكنه برضه ممكن يكون مدمر إلى حد كبير وممكن يتسبب في تشكيك في نفسك.

حاول أن تُحيط نفسك بأشحاص داعمين سواءً كانوا أصدقاء أو مستشارين في العمل، أشخاص يساعدوك في الشعور بمزيد من الثقة في نفسك وفي اللي بتقوم بيه عشان تحقق نجاحك في شغلك.

المصدر:

https://www.entrepreneur.com/article/347912

Comments: