تحت شعار "إحنا واحد" مهرجانات السينما العالمية في بث موحد على يوتيوب

28/04/2020

أكتر من 20 مهرجان سينمائي حول العالم قرروا بث أفلام مجانية بموعد بث مشترك على موقع Youtube وده بعد ما تم إلغاء كتير من عروض المهرجانات بسبب الخوف من فيروس كورونا.

تحت شعار "إحنا واحد" وبعنوان مهرجان عالمي للأفلام يستمر لمدة 10 أيام هيتم عرض محتوى تم إعداده من قبل مهرجانات سينمائية عالمية عديدة كـ"مهرجان برلين" و "مهرجان كان" و "فينيس" و "تورنتو" وهيبدأ البث الموحد ده بداية من شهر مايو وتحديداً في يوم 29 من الشهر اللي جاي.

البث المشترك ده هتعرض فيه مختلف المهرجانات السينمائية عروض أفلامها سواء كانت الوثائقية منها أو أفلام كان ليها سجل قوي داخل كل مهرجان، ولكن من غير المحتمل إنه يتم تضمين أفلام جديدة رئيسية اللي بيعتمد إطلاقها على مهرجانات الأفلام في الأساس.

منظمو مهرجان كان السينمائي انهارده صرحوا بإنهم فخورين بانضمامهم للحدث على موقع Youtube عشان يسلطوا الضوء على الأفلام والمواهب المختلفة، وده اللي هيسمح للجمهور بتحربة الفروق الدقيقة في سرد القصص من جميع أنحاء العالم والشخصيات الفنية المميزة لكل مهرجان.  يبرزوا أكتر مواهب سينمائية مختلفة وإنه ده كمان هيساعد الجمهور.

جين روزنتال، المؤسس المشارك لمهرجان تريبيكا السينمائي في نيويورك واللي تم إلغاؤه لضرورة الظروف قالت إن اللي بيميز فكرة مهرجان واحد لكل مهرجانات العالم فكرة بتلهم وبتوحد العالم كله وبتكسر الحدود في ظل انتشار كورونا في العالم.

من بين الدول اللي ليها مهرجانات سينمائية اللي هتشارك في البث المنتظر على الـ Youtube في القدس ومدينة مومباي من الهند ومدينة سراييفو والعاصمة اليابانية طوكيو ولندن.

وأخيراً رغم مجانية عرض مهرجان "إحنا واحد" هيبقى في طلب من المشاهدين إنهم يتبرعوا لصندوق إستجابة تابع لمنظمة الصحة العالمية للتضامن ضد انتشار مرض كورونا حول العالم.

Comments: