١٠ خرافات لازم تعرفهم عن الـ "ستريتش ماركس"

03/05/2020

بعد انتشار سكرين شوت لبنت كانت بتكلم خطيبها وبتقوله إن عندها "ستريتش ماركس" أو علامات التمدد في جسمها -وهي الخطوط البيضا اللي بتبقى في الجسم- وطلب خطبها منها إنها تحاول تشيل علامات التمدد دي لإنه عايز اللي هيتجوزها تبقى مثالية.

وبغض النظر عن سطحية الطرف التاني اللي كان في السكرين شوت والمشاكل الكتير اللي في تفكيره، إلا إننا لازم نعرف إن فيه زيه كتير وده اللي بيحسس بنات كتير بالخجل من جسمها، وبيحطها في موقف إن شريكها في العلاقة ممكن يوافق عليها أو لا، عشان كده محتاجين نعرفك بشوية خرافات عن الـ "ستريتش ماركس" حسب موقع "jetclub":

1- العلامات مش بتظهر إلا عند النساء:

مبدئيا ده كلام غلط طبعاً لإن 90 ٪ من كل ست أو راجل جت ليهم العلامات دي في فترة ما بحياتهم،  يعني العلامات دي بتطلع للرجالة كمان مش للستات وبس، لكن للأسف دي خرافة منتشرة 

2- العلامات بتظهر فوق المعدة:

الـ"ستريتش ماركس" بتظهر في أماكن كتير في الجسم مش فوق المعدة بس لكن ممكن يبقى أكتر مكان بتظهر فيه هو عند البطن والحمل بيبقى له عامل كبير في ظهورها في المنطقة دي كمان، والأماكن دي زي (الثديين أو الفخذين أو الساقين أو الأرداف أو أسفل الظهر أو أعلي الذراعين أو الكوع أو الركبة الطويلة).

3- كريم زبدة الكاكاو بيمنع ظهور علامات التمدد:

90% من السات الحوامل ظهرت عندهم "سترتش ماركس" وظهرت بالتحديد بين الشهر السادس للشهر التاسع، وده موضوع طبيعي جدا وأغلب الستات اللي حوالينا 

4- علامات التمدد بتحصل بسبب تمدد الجسم بس:

ممكن تبقى من ضمن جيناتك الوراثية أو ظهرت لحد من افراد عيلتك وتبقى وراثة أصلا، أو ممكن تبقى بسبب الاضطرابات الهرمونية مثل متلازمة كوشينغ والتوتر وبعض الأدوية يمكن أن تزيد من احتمالية حدوثها.

5- لازم أي واحدة حامل يظهر لها "ستريتش ماركس":

مش لازم أي واحدة تبقى حامل يظهر لها "ستريتش ماركس" ممكن عن طريق الأكل الصحي ومحافظتها على وزنها أو الرياضة مايظهرلهاش.

6- خسارة الوزن هتخليهم يظهروا:

دي معلومة مش حقيقة، ولكن خسارة أكتر من كيلو واحد في الأسبوع بيخالي علامات التمدد أكتر وضوح.

7- علامات التمدد بتختفي لوحدها:

دي مش حقيقة لإنها تعتبر نوع من الندوب اللي نادرا ما بتتلاشي عشان تبقى غير مرئية.

8- الرياضة هتساعد في اختفائهم:

الرياضة مش هيكون ليها مفعول كبير على العلامات اللي موجودة في الجسم أصلا، لكن صعب حد ياخد باله من وجوده "ستريتش ماركس" في جسم رياضي وممشوق.

9- الـ"تان" هيساعد إنهم يختفوا:

بالعكس، لإن التان ممكن يخلي لون جسمك أغمق وده اللي هيخليهم أوضح.

10- علامات التمدد شكلها وحش ومقززة:

الحقيقة إن معظم الناس عندهم "ستريتش ماركس" لإنها حاجة طبيعية ومفيش جسم مثالي زي الممثلين ونجوم هوليوود وحتى أجسمهم في أغلبها عمليات تجميل أو فوتوشوب، ولو كنتي أم وظهرت لك فهي علامة فخر ليكي أهم حاجة اشربي كميات مياه كفاية وكلي أكل صحي والعبي رياضة.

Comments: