مع بعض لحد ما نعدي.. حملة "كوكاكولا" في رمضان 2020 مش بس كلام

11/05/2020

تحت شعار "مع بعض لحد ما نعدي" اطلقت كوكاكولا حملتها في رمضان السنة دي، كعادتها في حملاتها الاجتماعية بتحاول تركز كوكاكولا على نشر الأمل والتفاؤل وخاصة في فترة صعبة زي دلوقتي عشان كدة قسمت الحملة على جزئين مهمين.

الجزء الأول من حملتها كان بإطلاقها لفيديو برسالة إيجابية إهداء لكل الناس في كل المجالات من أول الأطقم الطبية لحد الناس اللي ملتزمة التباعد الاجتماعي وقاعدين في البيت أو واخدين بالهم من احتياطات السلامة واتصور بشكل يناسب الظروف الحالية من غير ممثلين أو إنتاج ضخم حفاظًا على اجراءات الوقاية.

والجزء التاني من الحملة كان على أرض الواقع وتطبيقًا لواجبها الاجتماعي وإن رسالتها تكون ملموسة أكتر قررت ضمن برنامج حملتها توزيع أكتر من مليون إزازة مايه معدنية "دساني" على الأطقم الطبية والمرضى في مختلف مستشفيات العزل المصرية بالـ 27 محافظة في أنحاء الجمهورية، كدعم مادي بسيط ومعنوي لكل اللي في الخطوط الأولى في مواجهة فيروس كورونا (كوفيد -19) وتذكيرهم بإننا سوا في المحنة دي لحد ما تعدي.

Comments: