٥ حاجات بتخلي الشخص الـ"توكسيك" يتشدلك ويرجعلك تاني

18/05/2020

طبيعي جدا إن لو فيه شخص مؤذي أو "توكسيك" في حياتك تبقى منزعج ونفسك تتخلص منه، بس لو حصل واتخلصت منه ودخل حياتك شخص تاني وطلع "توكسيك" هو كمان بتحس إن المشكلة فيك إنت، وإن فيك حاجة هي اللي بتجذب الأشخاص المؤذية ليك.

موقع "Inc" بيقول إن ممكن يبقى فيه 5 صفات بتشد الأشخاص الـ"توكسيك" ليك وهما زي:

1-  شخص مبهج:

في الغالب على قد ما هتكون شخص مبهج، على قد ما هتبقى شايف نفسك شخص سئ وجواك طاقة عن الكلام عن نفسك بطريقة سلبية، ولو إنت شايف نفسك شخص مالوش قيمة زي ما كلامك بيدل فإنت هتختصر قيمتك في إنك تعمل حاجة لشخص، وممكن كمان تبقى معتقد إن معنى الشخص الكويس هو إنك تبقى مابترفضش حاجة أبدا، فلو كنت الشخص اللي بيساعد وبيفرح اللي حواليه ومبهج بالشكل ده الأشخاص الـ "توكسيك" هيجولك من على بعد أميال، ولو راحوا هيجولك تاني.

2- شخص بيصلح:

مابتقدرش تشوف حاجة بايظة وتسيبها زي ما هي، وبتشيل نفسك مسؤولية حل أي مشكلة عشان بتشوف نفسك قادر إنك تحل المشاكل الكبيرة، لكن ده معناه إنك بتسبب خراب في علاقاتك، وده اللي بيخلي الأشخاص المؤذية او الـ"توكسيك" يشوفوك غنيمة عشان يستفادوا من طبيعتك اللي بتساعدهم في حياتهم ومشاكلهم.

3- دايما بتقارن:

لو كنت بتدور دايما على شماعة عشان تعلق عليها المقارانات اللي بتعملها زي ليه فيه ناس أغنى منك وليه فيه ناس ناجحة عنك ده هيخليك ماعندكش ثقة في نفسك، وبالتالي هيقلل احترامك لذاتك ومن هنا الأشخاص الـ"توكسيك" بيتغذوا على الصفات دي.

4- بتحس إنك بتمثل:

الشخص اللي بيمثل حاجة في الغالب بيبقى مش محترم نفسه، وفي الحالة دي بتحس بالذنب أو بالعار من نفسك حتى لو بتدعى إنك شخص كويس أو ذكي بما فيه الكفاية، وده بيخلي الأشخاص الـ "توكسيك" يستغلوا عدم الثقة وعدم الأمان وعدم احترام الذات ده لنفسهم.

5- بتدور على الكمال:

لما بتقول بكلامك أو تصرفاتك إنك بتدور طول الوقت على الكمال وبتتشد له فخليك عارف إن ده مدخل من مداخل الأشخاص الـ"توكسيك" وده عشان أي فعل سئ ممكن يعملوه هيبرروا إنه عشان الكمال.

علاج أي مشكلة من المشاكل اللي بتدخل الأشخاص الـ"توكسيك" حياتك هي إن يبقى عندك ثقة في نفسك شوية وإنك تركز على أهدافك في الحياة وخفف عن نفسك الحِمل اللي مش بتاعك، وأخيرا خلى عندك حدود صحية حاول تلتزم بيها وتقبل عادي إن اي حد ممكن يغلط عشان هي دي الحياة ويصلح غلطه بنفسه حتى ولو بعد فترة.

Comments: