العالم مكان عادل.. أهم الأسباب اللي بتخلي الناس تلوم على الضحية

27/05/2020

أي شخص نجى من إعتداء جنسي هيلاقي الناس بتسأله كنتي لابسه إيه وقتها؟ وأي حد اتعرض برضه لإعتداء جسدي هيلاقي الناس بعد الموقف بتسأله عملت للي ضربك أو اللي أذاك إيه عشان يأذيك؟ وفي كل الحالات بيسألوا المجني عليه عن سلوكة وأفعاله وقت الإعتداء وليه على الأقل ماقاومش أكتر شوية.

وبالرغم من كل حملات التوعية والنضج اللي البني أدم وصل له، إلا من الواضح إن اللوم على الضحية هي حاجة متبرمج بيها العقل البشري على أساس مستوى كويس جدا، بس اسأل نفسك كده إذا كان الضحية فعلا ممكن يعمل حاجة عشان يعدوا مأساة لنفسهم؟ لكن موقع psychology today فسر ليه ممكن مثلا عشان يطلع الضحية كان غلطان في حاجة وإن هو مش غلطان في نفس الأفعال اللي عملتها الضحية وبكده هو في أمان، وقال كمان مثال إن لو جار ليك بيته اتسرق أكيد هتفكر إنه كان عامل حاجة غلط زي إنه ماكنش قافل كويس أو ممكن يبقى هو اللي عمل لنفسه أعداء وده بيخلي عندك راحة كبيرة تجاه إن استحالة يحصلك زي ما حصل له.

من مشاكل لوم الضحية إنها بتقلل من قيمة الفعل الإجرامي وبتخلي الناس أقل عرضة للبلاغ عن الجريمة اللي حصلت ليهم عشان كده مش المفروض تفتخر بلومك للجريمة عشان نقدر نوقف الفعل الإجرامي الناتج من الشخص الجاني.

وبالرغم من إن أغلب حالات اللوم على الضحية بتبقى جايه من شك أو جهل أو لا مبالاة أو إحساس بالتفوق والعجرفة على الضحية إلا إن فيه أسباب أهم من كده، علماء النفس لقوا إن إلقاء اللوم على الضحية بينشأ بشكل متناقض، لإنهم بيكونوا في أمس الحاجة لإحساس إن العالم مكان كويس وعادل لإن يوميا بنقرأ ونسمع أخبار فيها موت وقتل وحروب وحوادث وسرقة وغيره ومن الطبيعي إننا نحس بالرعب لإننا أكيد زينا زي الناس اللي بتأثر عليها الأحداث دي ولكن وفقا لعالم النفس "جانوف بولمان"  في جامعة "ماساتشوستس روني" في بوسطن أغلبنا عنده حاجة اسمها "نظرة افتراضية إيجابية للعالم" وده اللي نبقى مؤمنين بسهولة إن بالحصانة ضد الكوارث، لإن أغلبنا بيعتقد إن الحاجات الكويسة بتحصل للناس الصالحين بس وإن إحنا ناس صالحين وإن العالم مكان منصف وعادل وجميل.

وقال كمان إن معظمنا استوعب المعتقدات دي في سن صغير عن طريق بابا نويل والأساطير والحواديت بتاعت الناس الطيبة لكننا لما بننضج شوية بنعرف إن ساعات بيحصل العكس وإن فيه حاجات سيئة بتحصل لناس طيبة عادي لكن بالرغم من كل ده فيه ناس لسه معتقدة إن العالم مكان عادل وده بسبب بعض الجمل اللي بنستخدمها دايما زي "كل واحد بيحصد اللي بيزرعه" واللي زيها، ومع إنها معتقدات وهمية إلا إنها ضرورية عشان نقدر نعيش بسعادة نوعا ما في العالم المخيف.

وبيقول عالم النفس "ميلفين ليرنر" إننا محتاجين نحافظ على معتقداتنا إن العالم مكان عادل لإن لما بتحصل حاجة سيئة لحد شبهنا فده معناه إننا مهددين وفي خطر عشان كده لازم نرمي اللوم عليه بدل ما نحس إننا ممكن نقع ضحية زيه وفي نفس مكانه وعشان نقدر نحس إن العالم مكان وردي وبالتالي بنشوف عنده مشكلة إحنا استحالة نعملها وبالتالي الحدث السئ مش هيحصلنا لإن العالم مكان عادل.

في المرة الجاية اللي ممكن حد يسألك فيها عن رأيك مين المسؤول الضحية ولا الجاني، اسأل نفسك قبل ما تجاوب إزاي ممكن تحس بمعاناة ومأساة الشخص ده، لإن بالتعاطف والحق العالم هيكون مكان عادل مش باللوم على الضحية ولا إنكار حقيقة إن المشكلة ممكن تحصلك.

Comments: