اكتشاف دوا رخيص لعلاج "كورونا على ايد علماء بريطانيين 

16/06/2020

مؤخرا توصل علماء بريطانيون لاكتشاف علاج رخيص ومتاح على نطاق واسع لمرضى كورونا واسمه "ديكساميثازون" المصنوع من مادة "السترويد" ووصفوا العلاج ده بإنه علاج متقدم في مكافحة وباء كورونا اللي لحد اللحظة اتصاب به أكتر من 8 مليون شخص في العالم كله.

علاج "السترويد" هو عبارة مركبات كيميائية بتتصنع عشان تؤدي دور مشابهة للهرمونات الطبيعية وبيتم اللجوء ليها لعلاج كذا حالة صحية، ووفقا لموقع سكاي نيوز إن من ضمن النتايج اللي وصلها العلاج "ديكساميثازون" هو انخفاض معدل الوفيات للتلت ومن ضمنهم مرضى كان تم وضعهم تحت أجهزة التنفس الصناعي.

ومن ضمن نتايج الدوا كمان إنه أدى لإنخفاض نسبة الوفيات 20% من وسط مرضى كورونا اللي كانوا محتاجين أكسجين، وقال العلماء اللس اكتشفوا الدوا إنه الدوا يقدر ينقذ بين 4 آلاف لـ 5 آلاف شخص لو كان تم استخدامه قبل كده في مرحلة مبكرة من انتشار الوباء.

وقال باحث في  جامعة أوكسفورد اسمه "مارتن لا ندري" من ضمن فريق اللي شارك في تجربة العقار إن النتايج أكدت نجاح العلاج بالرغم من سعره الرخيص، والباحث " بيتر هوربي" بيقول إن الدوا نفسه بيتم استخدامه في علاج أمراض مختلفة ولتخفيف الالتهاب في جسم الإنسان.

وقال إن كمان إن العلاج ده هو العلاج الوحيد اللي أثبت فاعليته في تقليل عدد حالات الوفاة الناتجة من فيروس كورونا، وإن لحد الوقت الحالى مفيش أي علاج أو لقاح خاصة بفيروس كورونا وإن الباحثين بيعالجوا بأدوية مستخدمة بمكافحة أمراض تانية.

والجدير بالذكر إن في بريطانيا حاليا بيتم تطوير لقاح فيروس كورونا ولسه في مرحلة التجارب السريرية على البشر.

Comments: