بعد ضحية "تويتر" للعنف الأسري.. إزاي تتصرفي لو تعرضتي لموقف مشابه 

08/07/2020

من وقت ظهور قضية متحرش الجامعة الأمريكية وعدد كبير من البنات بقى عندهم الشجاعة إنهم يحكوا عن قضايا تحرش اتعرضوا لها أو قضايا العنف ضد المرأة عموما، واتكلم عدد كبير من المشاهير عن مواقف تحرش اتعرضوا ليها وبدأوا ياخدوا مواقف بفضح المتحرشين، والبنات كمان على تويتر بدأت تعرض وتنشر "سكرين شوتس" لمتحرشين ضايقوهم، ولكن من يومين ظهر على تويتر "ثريد" لبنت بتحكي فيه تجربتها مع العنف عشان تبدأ تاخد حقها.

الأول قالت البنت إنها في مركز حقوق المرأة المعنفة التابع للسفارة المصرية وإنها هتاخد إجراءاتها عشان ماحدش من أهلها يتعرض لها وكتبت الكلام ده:

وبعد كده نشرت قصتها واللي حصل معاها وقالت إن ده اللي حصل:

وبسبب اللي حصل حصل لها مشاكل مع أهلها في البيت وكتبت الـ"تويت" دي وحطت "سكرينشوت" لكلامها مع أختها إن والدها اتبرى منها وأختها طلبت منها تنتحر.

وفعلا كتبت كذا "تويت" كانت بتقول فيهم إنها هتنتحر، ولكن رضوى الشربيني كلمتها ومنعتها تنتنحر وهديتها وسمعتها لأخر كلامها.

عموما خلينا نقولك ممكن تعملي إيه لو اتعرضتي لمواقف مشابهة أو اتعرضتي لموقف إن حد من أفراد عائلتك أو أسرتك اتحرشوا بيكي:

1- اطلبي من الشخص إنه يبطل وقولي لباقي أفراد العيلة إن سلوكه غير مريح معاكي، خصوصا إن في الحالات دي صعب تدخلي محكمة أو قليل لما بتحصل.

2- وثقي كل الطرق اللي الشخص ده ضايقك بيها سواء كانت رسالة أو مكالمة، ولو تعرفي تسجلي الموقف كمان هيبقى أحسن.

3- حاولي تواجه الشخص اللي بيتحرش بيك أو بيضايقك في قعدة فيها أفراد عائلتك، ولو عرفتي توصل معاهم لحل أو اتفاق هتكون طريقة سليمة عشان تحطي  حدود للمضايقة دي.

4- لو ماوصلتيش لحل مع كل المحاولات كلمي الجهات اللي ممكن تساعدك زي المجلس القومي للمرأة لو سنك أصغر من 18 سنة على رقم 16000 ولو أكبر من 18 سنة كلميهم على رقم 15115.

Comments: