إزاي تتفادي تقليب المواجع اللي ممكن تحصلك بسبب تريند التحرش!

13/07/2020

من ضمن أهم الأسباب اللي خلت بنات كتير تشارك بقصصها وحكايات في "ترند" قضية تحرش شاب الجامعة الأمريكية هو إن أغلب البنات والستات في مصر بأختلاف قصصها واختلاف طبقاتهم الاجتماعية والثقافية وأعمارهم كمان اتعرضوا للتحرش، وبسبب الترند وحكايات البنات كان فيه عدد كبير تاني منهم بيعاني كل ما بيقروا حوادث جديدة أو قصص جديدة لإنهم بيفتكروا اللي اتعرضوا له، ولإن الـ "ترند" كان سبب إن عدد كبير من البنات والستات يحسوا بمشاعر سلبية ويستدعوا تجاربهم السيئة فخلينا نقولك ممكن تعملي إيه الفترة دي عشان قصص وحكاوي التحرش ماتقلبش عليكي المواجع:

1- اقبلي إن فيه مشكلة حصلت فعلا وخليكي واثقة من مشاعرك وإن دي حاجة حصلت وضايقتك، ماتقبليش أي أعذار من المتحرش لا وقت الحادثة ولا وقت تريند فضح المتحرشين.

2- ابعدي عن السوشيال ميديا لفترة لو المحتوى بيسببلك أي نوع من  الأذى أو الضغط النفسي.

3- دوري على طريقة صح تطلعي بيها المشاعر المرهقة اللي إنتي حساها سواء كان بالكلام أو بالكتابة أو إنك بتفرغي مشاعر وطاقة الغضب دي وقت مابتحسيها ده لو ماعندكيش استعداد تتكلمي مع حد وممكن كمان تكتبي لنفسك أو تسجلي.. بس المهم إنك تطلعي المشاعر والأفكار اللي جواكي عشان ماتسببلكيش ضغط وضيق.

4- الجأي لأي صديق بتثقي فيه وهيحترم مشاعرك ومايقللش من اللي إنتي حساه، واتكلمي عن مشاعرك..أو شاركي قصتك مع ناس مروا بنفس التجربة عشان ماتحسيش انك لوحدك

4- اعملي "انفولو" أو "بلوك" للأشخاص اللي بيبروا التحرش أو شايفينه إنها حاجة طبيعية وعادية، أو بيدافعوا عن المتحرشين لإن دي حاجة هتخليكي تحس بمشاعر غصب أو ممكن تحسسك بالذنب لإنهم بيرموا اللوم على الضحية اللي هو إنتي.

5- ماتلوميش نفسك لإنك ماكنتيش السبب إن ده يحصل ومش هتقدري تسيطري على كل الناس، خصوصا كمان إن كل ما ترمي اللوم على نفسك كل ما هتتخطي الحادثة أبطئ.

6- بلاش تسمعي نصيحة أي واحدة من صحابك إنها تدخلك في جروب بنات بتحكي عن قصتها مع التحرش لإنك لما تقري قصص غيرك احتمال تفتكري قصص مشابهة وتحسي بمشاعر سيئة أكتر.

7- لكن ممكن تستخدمي خبرتك عشان تساعدي بنات تانية لو كانت كتابة الحاجات اللي اتعرضتلها ونشرها هيخلوكي أحسن 

8- ولو متاح اتكلمي مع معالج أو شخص متخصص.. يقدر يساعدك بشكل أحسن

9- حاولي تمارسي أي رياضة أو نشاط بيساعد على تقليل الضغط والتوتر زي اليوجا مثلا ودي تمارين يوجا للمبتدئين في البيت:

Comments: