تفاصيل عملية اختراق ضخمة لـ "تويتر": حسابات بيل جيتس وأوباما وكارديشيان وغيرهم

16/07/2020

امبارح الأربعاء 15 يوليو 2020 حصلت عملية اختراق كبيرة على تويتر لأكونتات شخصيات عالمية مهمة زي بيل جيتس وإيلون ماسك وأوباما وجيف بيزوس، والمرشح لرئاسة الجمهورية جو بايدن، وكيم كاردشيان والحساب الرسمي لشركات آبل وأوبر وغيرهم وغيرهم.

المخترقين قدروا يوصلوا للحسابات في نفس الوقت  وكتبوا عليها تويتة بتقول للناس إن أي حد هيبعت مبلغ ألف دولار بعملة البيتكوين على عنوان معين مكتوب في خلال 30 دقيقة، هيتم مضاعفة المبلغ له، واستخدموا حجة إن ده "رد جميل للمجتمع" أو شعور بالناس بسبب أزمة كورونا.

"تويتر" وقف جميع الحسابات الموثقة بعلامة زرقا لمدة ساعتين، كانت غير قابلة لأن يتكتب عليها أي تويتات، لحد ما يوصل المشكلة فين، والتأكد إن الوضع أصبح آمن.

قالت الشركة إن الاختراق نجح في استهداف موظفين عندهم القدرة على الدخول على شبكاتها الداخلية وإن منفذيه "استغلوا ده في السيطرة على عدد كبير من الحسابات اللي بتحظى بمتابعة قوية (ومنها حسابات رسمية) ونشر تغريدات باسم أصحابها".

وتعهدت الشركة بالتحقيق في الموضوع "لمعرفة أي نشاط مؤذ آخر ربما يكونوا الهاكرز مارسوه أو أي معلومات ربما يكونوا وصلوا لها، وهيعلنوا عن النتيجة قريب."

لمدة ساعتين فضلت عملية المطاردة مستمرة كل ما يتم مسح التويتات، بتتنشر مرة تانية، أو من خلال أكونت شخصية معروفة تانية، حتى إنه تم اختراق حساب الدعم الخاص بتويتر نفسه! وحساب أي حد بيكتب تحذير إن دي عملية نصب أو اختراق زي رئيس منصة Binance عشان كده تم إيقاف كل الأكونتات الـverified لحين السيطرة على الموقف.

بعد كده تم اللجوء لحيلة تانية وهي منع أي منشور فيه حساب البيتكوين اللي تم ذكره، ما يظهرش وما يقدرش يعمل نشر من الأساس، لكن الهاكرز قاموا باستخدام حساب تاني تم منعه هو كمان.

أظهرت حسابات بيتكوين، اللي تم الإشارة إليها في بعض التغريدات، 320 معاملة تحويلات برصيد إجمالي وصل إلى أكثر من 113 ألف دولار أمريكي!


 

Comments: