وزارة الرياضة تعلن عن تنظيم برنامج "30 يوم تحدي" للمصريين داخل وخارج مصر 

20/07/2020

أعلنت وزارة الشباب والرياضة عن تنظيمها لبرنامج "30 يوم تحدي رياضي افتراضي" والهدف من التحدي هو تشجيع الأسرة المصرية على ممارسة الرياضة في أي مكان عن طريق ممارسة أي نوع من الأنشطة اللي ذكرتها وزارة الشباب والرياضة في التحدي، وأضافت كمان وزارة الشباب والرياضة في التحدي إن الجاليات المصرية خارج مصر ممكن يشاركوا في التحدي بالتعاون مع وزارة الهجرة وشؤون المصريين  في الخارج.

وحددت الوزارة مجموعة من الأنشطة الرياضية والألعاب للمشاركة في "تحدي 30 يوم" وهما " الجري، المشي، الدراجات النارية، الكياك، هاند كاب لذوي الهمم والقدرات الخاصة كراسي متحركة فقط " والفرد اللي هيشارك في النشاط الرياضي اللي اختاره هيشارك فيه لمدة 30 يوم من يوم 1 أغسطس ليوم 30 أغسطس، وده وفقاً لشروط كل لعبة والتسجيل للمشاركة هيكون عن طريق موقع الوزارة الالكتروني.

وأعلنت وزارة الشباب والرياضة عن تفاصيل أكتر للتحدي وهما "المشى هيكون لمسافة 25 كيلو أو 50 كيلو، هاند كاب لذوي الهمم والقدرات الخاصة عن طريق الكراسي المتحركة هيكون لمسافة 25 كيلو أو 50 كيلو، والجرى لمسافة 50 كيلو أو 100 كيلو، الدراجات الهوائية لمسافة 100 كيلو أو 200 كيلو، والكياك لمسافة 15 كيلو أو 25 كيلو، الدراجات نارية 1000 كيلو، مع شرط اختيار رياضة إضافية بعدها.

والمشاركين في التحدي هيسجلوا في فعاليات برنامج "30 يوم تحدى" عن طريق استخدام مرن لتقنية الواقع الافتراضي، واللي بتسمح بالمشاركة في أوقات مناسبة لكل شخص واللي بيناسب وقت فراغه، ومن غير اي تقيد بيوم أو بوقت أو مكان محدد للمشاركة، والمشارك في التحدي اللي هيكمل التحدي للأخر هياخد ميداليات وشهادات المشاركة، وهتوصل له لحد البيت.

وقال الدكتور أشرف صبحي وزير الشباب والرياضة إن برنامج "30 يوم تحدى" هو استمرار لخطة وزارة الشباب والرياضة الجديدة لتنفيذ أنشطة وفعاليات رياضية وشبابية اللي بيقدمها للشباب المصري سواء كانوا داخل أو خارج مصر، وإن التحدي مطبق فيه التباعد الاجتماعي والإجراءات الاحترازية اللي بتمنع تفشى فيروس كورونا.

وللمشاركة في التحدي ادخل على الرابط ده واملى كل بياناتك واهتختار نوع التحدى اللى تقدر عليه ويكون تحدي واحد بس، وحمل صورة بطاقتك الشخصية وعنوانك بالتفصيل لو إنت فى مصر، أما لو إنت عايش برا مصر هتختار "All the world" من القائمة "City" وهتحمل صورة باسبورك والشهادة هتجيلك أونلاين، " وممكن كمان تنزل برنامج "استرافا" من "اب ستور" أو من "جوجل بلاى"، وهتنضم بعد كده فى جروب "استرافا" وانتظر قبولك فيه، وخلي "الأكونت" بتاعتك "Public" عشان يتم متابعتك وتسجيل كل مسافاتك. 

Comments: