١١ معلومة ماتعرفهاش عن الأسود وحياتهم

09/08/2020

الأسود معروفة دايما إنهم ملوك الغابة وأقوى وأشجع الكائنات في الغابة لكن فيه حقايق وصفات تانية مش معروفة عن الأسود بتخلي الأسود مميزين أكتر في الغابة، خلينا نقولك 11 معلومات تانية عن الأسود وفقا لموقع "our funny little site" وموقع العرب اليوم:

1- الأسود بتنام من 16 لـ 20 ساعة في اليوم، وده فعلا اللي اسمه حياة الملوك.

2- الأسود بتعيش في مجوعات اسمها زمرات ومفردها "زمرة"، كل مجموعة ممكن توصل لـ 15 عضو وبيكون ليها قائد واحد بس

3- أنثى الأسد هي اللي بتصطاد معظم الأوقات والأسود بتعمل دوريات عشان تحمي المجموعة.

4- عمر الأسود بيتراوح بين 10 لـ 15 سنة خصوصا لو في الحياة البرية لكن صعب أسد يعيش أكتر من 10 سنين بسبب الخناقات اللي بتحصل بين زمرتين.

5- الأسود من أسرع الحيوانات البرية فممكن يجروا بسرعة 50 ميل في الساعة بمعني 80.5 كيلو في الساعة.

6- كل أسد لازم ياكل من 10 لـ 15 رطل لحمة يعني من 4.5 لـ 6.8 كيلو لحمة عشان يسد حاجته اليومية في الأكل.

7- ممكن تسمع صوت زئير الأسد من على مسافة 5 أميال.

8- أغلب الأسود بتعيش حالياً في أفريقيا، ولكن قبل كده كانت بتعيش في أوروبا والشرق الأوسط وأمريكا الشمالية.

9- لما بيمشوا مابيلمسوش الأرض بكعب رجلهم.

10- ومن ضمن الحقايق الغريبة عن الأسود إن بالرغم إن اسمه ملك الغابة إلا إن الأسد مابيعش في الغابة، وفي الواقع بيعيشوا في السهول والمراعي.

11- السبب ورا إن كلمة "لبوة" أو أنثى الأسد تكون شتيمة في المجتمعات الشرقية هي إن ذكور الأسود الصغيرة لما بتكبر بتبقى عايزة تسيطر على القطيع وعادة بتبقى ذكرين مع بعض، لما بيلاقوا الذكر المهيمن كبر في السن بيتحدوا ولو غلبوه بيطردوه من القطيع وبيقتلوا كل الأسود الصغيرة، وبعدها إناث الأسود بتتود للذكور المسيطرة الجديدة على طول عشان تحمي نفسها، والذكرين بيتقاسموا الإناث لحد ما واحد فيهم يبقى أقوى ويطرد التاني، ولكن دي طريقة إناث الأسود في البقاء على قيد الحياة.

Comments: