١٠ صعوبات هتواجههم لو بتحب حد برج العذراء

27/08/2020

كلنا متفقين إن الحياة صعبة ومعقدة، والعلاقات تعتبر من أعقد ما فيها، فحرفيًا "بنتشعبط" في أي حاجة توضحلنا الأمور أو تحسن صياغتها، عشان تفهمنا راسنا من رجلينا، والأبراج أحيانًا في تصنيف الناس وتبرير أفعالهم بتخلي الرؤية توضح شوية، وبما إننا في أيام برج العذراء، فخلينا نتكلم شوية.. ليه صعب تحب حد من البرج ده؟

1- بيشيلوا في نفسهم

انت بتتعامل مع شخص حساس وأحيانًا بيبقى مش مدرك إن حاجات معينة أثرت فيه وضايقته، وعلى ما بيجي ياخد باله إنه مضايق ومخنوق بيكون متأخر جدًا على الكلام بهدوء وبيكون عايز ينفجر.

2- حساسين جدًا

برج العذراء ما بيحبوش التلاعب بالأمور أو حتى بالكلام أو الالتفاف حوالين المواقف، بيبقوا منتظرين كل حاجة تبقى واضحة وصريحة زي توقعاتهم، وده تنفيذه صعب لأنهم حساسين جدًا، فالنتيجة دايمًا بتبقى إنهم بيزعلوا ويتأذوا عاطفيًا.

3- مهووسيين بالنظام 

ساعات بيبقى مرهق لشريك برج العذراء إنه يواكب رغبتهم المستمرة في إن كل حاجة بتبقى منظمة وفي مكانها وإنه مسيطر على ترتيب الوضع حواليه.

4- ما بيحبوش يبقوا شيء مفروغ منه

برج العذراء عندهم قدرة كبيرة على العطاء والاهتمام، لكن هو بالنسبة لهم استثمار، ومنتظرين إنهم يحصلوا على اهتمام شبهه في المقابل، وبيفرق معاهم جدًا إنهم يحسوا إن مجهودهم متاخد كشيء مفروغ منه ومش حدث استثنائي.

5- محتاجين مساحة

برج العذراء اجتماعيين لكن مستقلين زيادة عن اللزوم، ما بيحبوش يحسوا إن فيه أي حاجة ربطاهم، ولأنهم 100% أشخاص معطاءة بيأثر فيهم جدًا إنهم يبقوا مع شريك يطلب منهم وقت أو اهتمام زيادة يقيد حريتهم، لأنهم بيحسوا إن ده لازم يتقدم لكن هما مش قادرين يستحملوه.

6- بينتقدوا نفسهم بشدة

طول الوقت برج العذراء بينتقدوا آداءهم وتصرفاتهم سواء ناحية أهداف كبيرة في حياتهم أو تصرفات بسيطة، وده بيخليهم عايزين ينسحبوا من الحياة وياخدوا جنب، وطبعًا ده بيبقى صعب جدًا على أي شريك معاهم أنه يقدم الحب اللي يتقبلوه ويساعدهم يرجعوا لحالتهم الطبيعية تاني!

7- توقعاتهم عالية

برج العذراء بيدخلوا أي علاقة حب أو علاقة إنسانية بشكل عام بكامل طاقتهم وحماسهم وبيعملوا كل المجهود اللي بيقدروا عليه، لكن بيبقوا متوقعين نفس الحماس والتصرفات من الطرف التاني ولو ده ما حصلش بيتعبهم جدًا.

8- مش مندمج

دايمًا برج العذراء عنده نزعة استقلالية مبالغ فيها بتخليه مش جزء من أي دايرة أصدقاء ومش متناغم مع الوضع العام ومنسحب منه بالتدريج وده للأسف بيخليه يحس بالوحدة ويفقد دواير معارفه بالتدريج.

9- صرحا زيادة عن اللزوم

بيقدروا الصدق جدًا لدرجة بتخليهم كتير يفقدوا اللباقة ويقولوا كلام ممكن يجرح مشاعر شريكهم.

10- بيصدروا أحكام سريعة

برج العذراء بينتقد كتير وباستمرار وما بيقدرش يتجاهل الحاجات اللي شايفها أخطاء من وجهة نظره، لأنهم دايمًا عايزين كل حاجة كاملة، وبيصدروا أحكام سريعة على الأشخاص لأنهم بيحاولوا يوصلوا لأعماق شخصيتهم وبيعتقدوا أنهم فهموهم كفاية وبيتعاملوا معاهم على أساس الاستنتاجات دي.

Comments: