القصة الكاملة لفيديو واقعة الاعتداء على مصري في الكويت 

06/09/2020

يوم السبت 5 سبتمبر تم تداول فيديو جديد على مواقع التواصل الاجتماعي لواقعة اعتداء على شاب مصري بيشتغل في الكويت في محل ألعاب إلكترونية في منطقة الفحيحيل، وده بعد ما نشرته جريدة "تفتيش" الكويتية.

وكان باين في الفيديو إن الشابين الكويتيين هما اللي بدأوا بضرب الشاب المصري في الأول، وكان معاهم شخص تالت كان حريص على تصوير الفيديو من قبل دخولهم المحل والكلام مع الشاب المصري اللي اعتدوا عليه وضربوه لحد ما وقع في الأرض.

أكدت وزارة الهجرة وشؤون المصريين في الخارج إن الفيديو اللي تم تداوله للاعتداء وضرب شاب مصري في الكويت في واحد من المحلات التجارية هو فيديو "مجتزأ" وغير كامل وغير شامل كل تفاصيل الحادثة اللي وقع فيه الاشتباك بين أطراف الواقعة بعد التعدي.

ووضحت الوزارة في بيانها اللي صدر صباح يوم الأحد إن واقعة الاعتداء حصلت بسبب شجار على منتجات في محل لعب أطفال وانتهت الواقعة بالاعتذار للشاب المصري.

وقالت كمان وزارة الهجرة وشؤون المصريين في باقي بيانها إن الشابين المعتدين قيد الاحتجاز، وقالت كمان إن احتراما لطلب المواطن المصري مش هيتم تداول أي بيانات خاصة عنه.

Comments: