صور.. مسابقة كوميديا الحياة البرية للتصوير  الفوتوغرافي لـ 2020 

14/09/2020

بالرغم من صعوبة تصوير الحياة البرية إلا إنه بيبقى ممتع جدا خصوصا لما تشوف نتايجه زي إنك تشوف سمكة بتضحك أو زرافة بتحاول تظهر وبتغلس على زرافة تانية في الصورة.

مسابقة كوميديا الحياة البرية للتصوير الفوتوغرافي لسنة 2020 مرشح فيها 44 صورة لصور كوميدية للحيوانات في الحياة البرية ومع إن عدد الصور اللي المفروض يدخل المسابقة 40 صورة بس "توم سلام وبول جوينسوند " لقوا إن فيه 4 صور ماقدروش يستغنوا عنهم.

وقال حكام المسابقة إن اتقدم لهم 400 صورة وده 3 أضعاف اللي بيتقدموا كل سنة، والجدير بالذكر إن دي السنة السادسة للمسابقة.

المسابقة بالتعاون مع "Born Free Foundation" وهي مؤسسة دولية خيرية للمحافظة على الحياة البرية، عشان كده من أهداف المسابقة غير تقديم الصور الكوميدية هو تشجيع الناس على المحافظة على الحياة البرية.

وقال توم سلام إن العالم بيشهد سنة 2020 اضطرابات غير مسبوقة عشان كده صور السنة دي مؤثرة بشكل خاص، وإن المسابقة هدفها زيادة الوعي ونشر البسمة والمحافظة على الحياة البرية.

وحكام المسابقة السنة دي هما مؤسسين المسابقة "توم سلام" و"بول جوينسوند" و"بول جوينسون-هيكس" ومذيعة برامج الحياة البرية "كيت هامبل"، والكوميدى "هيو دينيس" وخبراء في الحياة البرية ومصورين وصحفيين.

Comments: