بريطانيا تحذر من "العدوى المزدوجة".. كورونا وإنفلونزا مع بعض!

22/09/2020

مع دخول الشتا، قامت بريطانيا بشراء 30 مليون جرعة للقاح للإنفلونزا، وده عدد أكبر من اللي تم شراءه في أي وقت فات قبل كده، وده بعد مفاجأة كشف عنها كبير المسؤولين الطبيين في إنجلترا، وهي إن الإصابة بكورونا والإنفلونزا في وقت واحد بتزود احتمال الوفاة بالفيروس بشكل كبير.

وحسب كلام المسؤول قال إن 43 في المية من المصابين "بالعدوى المزدوجة" ماتوا، مقارنة بـ 26.9 بالمئة فقط ممن ثبتت إصابتهم بفيروس كورونا فقط، وده طبقًا لما تم ذكره على موقع "سكاي نيوز".

في نفس السياق وضح إن الدليل الحالي لخطر "الإصابة المزدوجة"، بكورونا والإنفلونزا، وخطورة الحالة دي على الصحة، مش كامل، لأن الدراسات اعتمدت على عينات صغيرة، لكنه أكد أن الأمر حقيقي!

من ناحية تانية قالت البروفيسور إيفون دويل، المديرة الطبية للصحة العامة في إنجلترا، إن الإنفلونزا وفيروسات الجهاز التنفسي التانية بتنتشر في الشتا، وإن الإنفلونزا عادة بتتسبب في وفاة ما بين 4000 و 22000 شخص كل سنة!

وبتكمل في تصريحاتها إنك إذا كنت حاسس أنك مصاب بالإنفلونزا أو بـكوفيد-19، خليك في البيت واعزل نفسك، ده لحمايتك وحماية اللي حواليك.

وأضافت: "إذا أصبت بالفيروسين، فأنت بتواجه مشكلة حقيقية، ومن المرجح أن يصاب الأشخاص ذو الجهاز المناعي الضعيف بالعدوى المزدوجة".






 

Comments: