٥ خطوات عشان تتأكد إنك مش متراقب في بروفات محلات الملابس

28/09/2020

أوقات كتير وإحنا بنشتري هدوم بندخل نقيسها، وبيجي في دماغنا الحوادث اللي سمعنا عنها عن الكاميرات اللي بتبقى في غرف تبديل الملابس أو البروفات، وقتها بتحس إنك مش لازم تقيس أصلا أو بتحاول تاخد بالك أو بتبص في كل ركن في المكان عشان تتأكد، والموضوع بيبقى مربك جدا.

موقع Bright side  قال في واحد من مقالاته الطريقة اللي الشخص ممكن يعرف بيها إذا كان فيه كاميرات مراقبة أو لا في البروفة وهما:

1- دور في الأوضة ورا الحاجات المستخبي:

أسهل طريقة عشان تلاقي الكاميرات المختفية هي إنك تبص حواليك كويس، ودور كمان في الأركان والعلامات الواضحة والديكور اللي في البروفة، زي مثلا الشماعات أو لمض الإضاءة والحيطان والرفوف، ودور في السلوك وعدسات الإضاءة خصوصا لو لقيت أي أضواء غير طبيعة.

2- افتح الـ Wi- Fi:

كاميرات المراقبة عادة ما بتشتغل عن طريق الـ Wi- Fi، عشان كده ممكن تلاقي شبكة متوفرة في البروفة، بعد كده ممكن تحتاج تستخدم تطبيق من التطبيقات الخاصة عشان تعرف إيه الأجهزة اللي متصلة بالشبكة اللي لقيتها، ولو لقيت اسم شركة من الشركات المصنعة للكاميرات أو IP فيه كاميرا يبقى كده فيه كاميرا مراقبة في الأوضة.

3- استخدم الفلاش اللي في موبايلك:

المرايا تعتبر من أسهل الأماكن عشان يتم إخفاء الكاميرات وراها في البروفات،عشان كده لازم تتأكد منها كويس، ولو كان فيه فرصة تعرف من خلالها تقفل الأنوار اعمل كده واستخدم الفلاش اللي في الموبايل وبص في المرايا، وهيكشف ليك عن طريق الضوء الجامد اللي هيضرب في المرايا فيه حاجة وراها أو جنبها ولا لا.

4- ركز في المرايات:

البروفات هي الأماكن المثالية عشان يتم استخدام المرايات ثنائية الاتجاه فيهان لإن فيها جانب هيكون مضئ اكتر والتاني هينفع في الضلمة، عشان كده ممكن ترفع عينك في اتجاه الازاز وتحاول تحجب الضوء بايدك، وساعتها هتعرف هي  مرايا ثنائية الاتجاه فعلا ولا مرايا عادية.

5- المس المرايا:

لما تلمس مرايا عادية بصباعك هيكون فيه فجوة بين صباعك وانعكاسها، ولو لقيت الفجوة دي أو حسيت إنك بتلمس انعكاس لصباعك فاحتمال كبير تبقى مرايا باتجاهين أو ثنائية الاتجاه واحتمال كمان تبقى متراقب.

Comments: