٥ أسباب هتخليك تبطل تدخل الحمام بالموبايل 

05/10/2020

كتير مننا بيعاني من إدمان الموبايل، مابيقدرش يتحرك من غيره، لازم يبقى ماسكه أو على الأقل لازم يتطمن إنه في جيبه، ويمكن يبقى مفهوم إن كل حاجة تخصك بتبقى على موبايلك فعلا، لكن مش لدرجة إنك بتاخده معاك الحمام أو ماتقدرش تدخل الحمام من غيره.

يمكن في الأول الناس كانت بتاخد جرايد أو مجلات معاها الحمام تتسلى فيها، لكن دلوقتي الموضوع اتطور وبقيت تاخد الموبايل معاك فممكن تتفرج على فيديو، تلعب جيم، تشوف أخبار الدنيا فيها إيه النهاردة، عارفين طبعا إن دي حاجة بتسليك أو بتخليك تفصل شوية عشان أكيد الحمام هو المكان اللي تقدر تقعد فيه لوحدك من غير ما حد يزعجك، لكن بالرغم من كده فهو له أضرار عليك وعلى صحتك وعلى نجاحك في شغلك كمان، وده طبعا بغض النظر عن الأضرار اللي ممكن تحصل للموبايل نفسه زي إنه يقع في المياه أو في التواليت أو أي حادثة من الحوادث اللي بنسمع عنها.

خلينا نقولك ليه استخدام الموبايل في الحمام خطر عليك وفقا لـ "opera.news" :

1- بينشر بكتيريا وفيروسات غير آمنة:

فيه دراسة أثبتت إن الموبايلات بتبقى أقذر من قعدة التواليت نفسها، خلال الدراسة نفسها اللي اتعملت على طلاب المدراس الثانوية لقوا إن الموبايلات بتبقى متغطية بالبكتيريا الضارة اللي بتسبب مشاكل معوية وتسمم غذائي، ده غير إنها مش البكتيريا الضارة الوحيدة اللي تم العثور عليها فيه أنواع تانية بتسبب أمراض تانية.

2- بتزود  فرصة الإصابة بالبواسير:

وده بيحصل بسبب الوقت اللي الشخص بيقضية في الحمام وهو ماسك الموبايل لإن بيتم الضغط على كل الأعضاء، وبالرغم من عدم التحقيق ووضوح الاتصال ده إلا إن عدد حالات الإصابة بالبواسير ارتفعت من وقت ظهور الـ "سمارت فونز" في حين إن الشخص لما بيركز في موبايله بتبقى حاجة مريحة له بعض الأوقات.

3- بيقلل من قدرة الشخص على التفكير:

الموبايلات بتشتت الشخص وبتقلل تركيزه وتفكيره، وده بيقلل قدرة الشخص على حل أي مشكلة، حتى لو مابتسخدمهاش أو قافلها، عشان كده بتبقى أي وقت بتبقى قاعد فيه لوحدك من غير ما يكون الموبايل في ايدك أو شاغلك هو فرصة إنت محتاجها عشان تقضي وقت من غير تشتيت انتباه، وده معناه إنك لو خدت موبايلك معاك الحمام هتبقى بتقطع على نفسك الوقت الوحيد كمان اللي ممكن تقضيه لوحدك.ز

4- الخلل الوظيفي في الحوض:

القعدة وقت طويل في الحمام مع تشتيت الخلايا ممكن تسبب مشاكل لعضلاتنا، خصوصا في الأمعاء والمثانة لإن عضلات الحوض مابقيتش قوية بما فيه الكفاية لدعمهم، وده بيحصل بالذات بسبب القعدة على التواليت لفترة طويلة، خصوصا لو كنت تاني جسمك فترة طويلة.

5- بيزود من إدمانك للعالم الإفتراضي:

الموبايلات هي أكتر شئ بيربط الشخص بالعالم وبالأخبار ويمكن مفيش اختراع اتعمل في العالم قبل كده حقق الطفرة، وده اللي بيسبب الإدمان ليها بدرجة كبيرة، وفي الواقع 1 من كل 10 من جيل الألفية بيفضل أكتر إنه يفقد صباعة أكتر ما يفقد موبايله.

Comments: