عبثيات: إزاي تستقل مادياً في 4 خطوات!

05/10/2020

كل مرحلة في حياتك بيبقى ليها أولوياتها وأهدافها، ويمكن أكبر هدف بتحاول تحققه في أول العشرينات وأنت في آخر سنين الكلية أو بعد ما تتخرج هي إنك تبقى مستقل مادياً وماتخليش حد يبقى بيصرف عليك، عشان بيبقى عندك اعتقاد إنك مش عايز تبقى تقيل على حد وفي نفس الوقت مش عايز حد يتحكم فيك عشان بيصرف عليك.

فلو إنت لسه عندك الهدف ده أو بدأت مشوارك في الاستقلال المادي خلينا نقولك إزاي ممكن تستقل مادياً:

1- جرب نفسك الأول في المجالات المتاحة قدامك اللي مايل ليها، حتى لو كان مرتبها في الأول قليل ومش هيكفي غير المواصلات بس 

2- اكتسب خبرة في الشغل لحد ما يبقى ليك مرتب ثابت

3- طور من نفسك عشان تكبر وتزود مرتبك وساعتها هتعرف تعتمد على مرتبك وهتبقى عارف إنك لو سبت شغلك في أي وقت هتلاقي شغل تاني 

4- كان نفسنا نقولك حوش من مرتبك عشان تعمل حساب الزمن، بس إحنا عارفين إنه بيخلص يوم 4 في الشهر، عشان كده حابين نقولك مفيس استقلال واسمع كلام أبوك وأمك واعملهم شاي واكسب رضاهم عشان هما اللي هيصرفوا عليك في الآخر.

Comments: