٩ حاجات بتمنعك تبقى شخص غني حاول تصلحهم 

16/10/2020

أي حد نفسه في يوم من الأيام يبقى معاه فلوس كتير أو يبقى غني، أو فلوسه تكفي كل متطلباته في الحياة على الأقل، ولكن بيفضل حلم شبه مستحيل بالنسبة لك خصوصا لما تشوف فيلا للاعب كرة أو يخت لرجل أعمال، بس الحلم مش مستحيل أوي زي ما هو بيتهيألك لإن في 2016، 78% من أصحاب الملايين كانوا من الطبقة الفقيرة أو حتى من الطبقة متوسطة الدخل، وده معناه إن ممكن تبقى غني عادي لو ماكنتش غني.

ولكن فيه حاجات الواحد بيعملها في حياته هي اللي بتمنعه من إنه يحقق حلمه ويبقى غني، خلينا نقولك على الغلطات اللي بتعملها زي ما قال موقع "Bright side" في واحد من مقالاته عشان تتلاشها ونشوفك زي كريستيانو رونالدو في يوم من الأيام:

1- الاهتمام بالمظهر الخارجي:

الناس دايما بيميلوا لتقييم المواقف بناءاً على المظهر واعتمادًا على البيئة، وده تم إثباته عن طريق تجربة خلوا الناس فيها تمشي على أرضيات خشب الأرضيات التانية متغطية بالسجاد، والناس اللي مشيوا على السجاد ادوا تقييم وردود فعل أحسن للمكان.

 وده ممكن يبقى بيحصل لما يتعرض عليك شغل فممكن تقبل وظيفة عشان المكتب بتاعها لطيف في حين إنك ممكن ترفض وظيفة تانية مكتبها مش حلو ولكن فرصتك العملية فيها أفضل، عشان كده حاول لما تاخد قرارات بتقودك للنجاح المادي حاول تتأكد إن القرار مش مبني على الصفات البصرية والمظهر.

2- بتميل لتجاهل الأشياء السلبية:

غالبا ما بيميل الشخص لتمايل الصعوبات والأخبار الحزينة، على أمل إن المشاكل دي هتتحل بنفسها، ومع ذلك الحاجات دي هي اللي بتمنع نجاحك المادي، وردود الفعل السلبية من مديرك في الشغل وتأخير الفواتير والصراعات هما دول اللي بيمنعوك تبقى غني، وعشان تتجنب الغلطة دي حاول تجمع كل الأخبار وتبص فيها بشكل نقدي، وحاول تتقبل النقد بالرغم من إنه مش حاجة سهلة لكن التجاهل هيخلي الأمور تبقى سيئة أكتر.

3- مستهون بتأثير الكسل عليك:

الباحثين عملوا تجربة طلبوا فيها من الناس يتخيلوا إنهم دكاترة وهيختاروا نوع من العلاج للمريض وكانت الاختيارات هي (تجربة العلاج اللي أدى لوفاة 15% من الحالات، أو مايجربوش أي نوع خالص من العلاج وده كان هيؤدي للوفاة بنسبة 20%) واختار 13% من الأشخاص عدم تجربة أي علاج لإنهم هيحسوا بمسؤولية أقل لو المريض مات.

4- بتخطط لميزانيتك لفترة أقل من سنة:

لازم تعمل خطط مادية لسنوات كتير قدام، لو كنت عايز تشتري عربية فمن الأفضل إنك توفل فلوس تبقى مقدم وتحوش بدل ما تجيبها بالتقسيط، ولو ماكنش عندك خطط طويلة المدى، فإنت في خطر إنك هتصرف كل فلوسك اللي محوشها أو أصلا ممكن تاخد قروض.

5- بتشتري حاجات وإنت مش عارف الأسعار:

لو ماكنتش عارف الأسعار أو مابتبصش عليها وإنت بتشتري هيتنتهي بك الحال إنك هتصرف فلوس أكتر وفيه منتجات تانية هتغريك عشان تشتريها، وهيغريك كمان الخصومات لكن خليك فاكر إن ممكن المنتج نفسه أرخص في محل تاني حتى من غير خصم أصلا.

6- مابتصرفش فلوسك على الترفيه:

لو فضلت تتفرج طول الوقت على الأفلام في البيت أو تأكل في البيت ومابترضاش تاكل برا، أو بتفكر إن الحفلة اللي هتروحها هتدفع فيها فلوس كتير وغالية، فبعد وقت طويل هتحس بالإرهاق ومش هتبقى راضي عن حياتك، فحاول وإنت بتقسم فلوسك تعمل حساب الترفيه حتى لو على قد التكلفة المتاحة زي مثلا إنك تشوف صحابك فلو مش هينفع في مطعم غالي ممكن قهوة ولو مش هينفع تأكل معاهم ممكن تشربوا شاي.

7- مابتعرفش تتفاوض كويس:

التفاوض هي صفة رئيسية في الأشخاص الأغنيا، ودايما الأشخاص اللي بيعرفوا يفاصلوا ويتناقشوا مرتباتهم عالية وبياخدوا دعم من مديرهم.

8- مابتعرفش يكون عندك علاقات مستديمة:

الأشخاص الأغنيا أغلب الوقت بيميلوا يبقى عندهم أصدقاء قريبين، لإن الأصدقاء ليهم تأثير إيجابي على جميع جوانب حياتنا، سواء على نفسيتنا أو حتى على حياتنا المادية، ده غير إن الصحاب هما أكتر ناس بيبقوا مؤمنين بيك وموجودين دايما عشانك.

9- عندك اعتقاد إن الثراء شئ وحش:

فيه مجموعة من الناس بتعتقد إن الشخص الغني هو شخص شرير لكن خليك عارف إن فيه ناس طيبة أكيد في  كل مكان، فممكن تبقى غني وطيب في نفس الوقت عادي، ولو بقيت غني ممكن تخلي العالم مكان أفضل، وبص على الناس الأغنيا أكتر هتلاقيهم بيتبرعوا بفلوسهم وبوقتهم ومواردهم كمان.الاغ

Comments: