مين هي "لورديانة" تريند السوشيال ميديا اللي بترقص على أغنية "اخواتي" !

19/10/2020

انتشر فيديو على السوشيال ميديا لراقصة برازيلية اسمها "لورديانة" بترقص في فرع مركز تجميل متخصص في الـ "مايكرو بيلدنج" في مصر الجديدة على أغنية "اخواتي".

وانتشر الفيديو في الأول عن طريق صفحة مركز التجميل على "انستجرام" لإنهم نشروه وبعدها اتمسح بسبب تعليقات الناس اللي كان عندها تحفظات على نشر الفيديو على صفحة مركز التجميل، ولكن نشرت الراقصة الفيديو عندها على ستوريز حسابها الرسمي على "انستجرام".

الفيديو وصل لألاف المشاهدات وبقا تريند لدرجة إنه زود عدد متابعين الأكونت الرسمي للراقصة "لورديانة" على انستجرام اللي كانت بتحتفل من يوم بالظبط إن بقى عندها 200 ألف متابع، ولكن لحد الوقت اللي بيتم كتابة الموضوع فيه بقى عندها 285 ألف متابع.

ومن الواضح في الـ"Highlights" في الستوريز بتاعتها على انستجرام إن "لورديانة" راحت لمركز التجميل عشان تعمل شعرها وعشان تعالجه.

واللي مايعرفش..  فالراقصة "لورديانة" هي برازيلية واتنقلت عشان تعيش في مصر وتحقق حلمها وتبقى بترقص شرقي باحترافية في 6 أبريل 2017 واتنقلت الأول لشرم الشيخ زي ما قالت في بوست عندها على "انستجرام" وبعد كده اتشهرت أكتر واتنقلت للقاهرة.

ومن أشهر الفيديوهات للراقصة "لورديانة" كان فيديو ليها بترقص على البحر بـ"كاش مايوه" واللي كان محقق 121,737.

ولكن الفيديو نفسه نشرته أكونتات تانية على "Youtube" وعلى "Twitter" وبعده بفترة قصيرة تقريبا 3 شهور بدأت "لورديانة" تنزل "بوستس" على حسابها الرسمي وتكتب عليها هاشتاج "Cairo" و "Nightlife".

وبعدها نشرت "بوست" وهي بترقص في فرح وكتبت عليها إنها بتحب الأفراح وإنه كان يوم مميز بالنسبة لها واتبسطت عشان كانت جزء في احتفال كبير للحب، وبعدها بقى ليها فيديوهات أكتر وهي بترقص في أفراح.

ولكن السؤال هنا بقى هل الفيديو ده كان مقصود ومنسق من قبلها عشان يتسبب في شهرة للراقصة "لورديانة" أكتر ولا هو فيديو عفوي وهيتسبب في شهرتها؟

Comments: