٢٥ معلومة عن التفاح حبك ليه نساك تعرفها!

20/10/2020

التفاح هو الفاكهة الوحيدة اللي جمعت بين إنها تبقى حلوة ومقرمشة وفيها مياه وصحية، عشان كده عدد كبير من الناس بيحبه وصعب تلاقي ناس بتختلف عليه، ده غير إنه بيدخل في أكلات مسكرة ومشروبات، وموسم الخريف هو أكتر موسم بينتشر فيه التفاح ويمكن عشان كده طعمه أو انتشاره بيفكرك بدخول المدرسة 

هنقولك شوية معلومات وحقايق -حسب ما قال موقع "web.extension.illinois" حبك للتفاح نساك تعرفها لإنك كنت بتاكله وخلاص:

1- التفاح خالي من الدهون والصوديوم والكوليسترول

2- الـ"الكرابابل" هو نبات التفاح الوحيد الأصلي في أمريكا الشمالية

3- التفاح فيه منه كله الدرجات فيه الأحمر والأصفر والأخضر 

4- فيه 2500 نوع من التفاح بيتم زراعته في أمريكا بس 

5- فيه حوالي 7500 نوع من التفاح بيتم زراعته في كل العالم 

6- فيه 36 ولاية في أمريكا بتزرع التفاح بهدف التجارة 

7- التفاحة اللي حجمها متوسط فيها 80 سعر حراري 

8- التفاح مصدر مهم للألياف لإن تفاحة واحدة بتحتوي على 5 جرام من الألياف

9- أول شجرة تفاح تم زراعتها كانت في أمريكا عن طريق مهاجرين في مستعمرة خليج "ماساتشوستس"

10- زراعة التفاح ليها علم واسمه "Pomology" 

11- شجرة التفاح بتستغرق من 4 لـ 5 سنين عشان تطلع تفاح

12- أغلب التفاح لسه بيتقطف وبيتجمع بالايد في الخريف 

13- أحجام التفاح بتتراوح بين اللي قد الكريز لحد اللي قد الجريب فروت 

14- التفاح كان الفاكهة المفضلة عند الإغريق والرومان 

15- التفاح من أعضاء عيلة الورد

16- التفاح المقطوع من شجرة واحدة ممكن يملى 20 صندوق كل صندوق منهم وزنه 19 كيلو 

17- أكبر تفاحة تم قطفها كان وزنها حوالي كيلو ونص 

18- أشجار التفاح ممكن تعيش أكتر من 100 سنة وارتفاعها ممكن يوصل لـ 40 قدم

19- التفاح هو تاني أغلى فاكهة بيتم زراعتها في أمريكا، والبرتقال هو الفاكهة الأولى

20- أكبر محصول تم جمعه من التفاح في أمريكا كان 277.3 مليون كرتونة في سنة 1998

21- أكبر الدول المنتجة للتفاح في العالم هما الصين وأمريكا وتركيا وبولندا وإيطاليا 

22- أول تفاح تم تصديره من أمريكا كان في سنة 1768 

23- التفاح بينضج في حرارة الأوضة العادية بمعدل 6 لـ 10 أضعاف أسرع من لو تم تبريده

24- جالون واحد (3 لتر ونص) من عصير التفاح بيستهلك حوالي 36 تفاحة 

25- تلتين الألياف ومضادات الأكسدة موجودة في قشرة التفاح عشان كده ماتقشرهاش.

Comments: