حفلة "جلوكال" في الجونة: Disco Misr رقصوا تامر حبيب.. ولعبنا مع الفنانين في الـ Stories!

30/10/2020

يوم الاتنين اللي فات "جلوكال" نظمت حفلة في الجونة بمشاركة Shofha و Art Factory وحضرها مشاهير كتير زي يسرا وإلهام شاهين وليلى علوي وتامر حبيب وبشرى وآسر ياسين وبسمة ومنة شلبي وهاني رمزي وخالد الصاوي وإنجي المقدم وغيرهم من مشاهير كتير وأكيد حضرها نجيب ساويرس اللي مابيفوتش أي حفلة في الجونة.

الحفلة دي كانت عبارة عن ختام لزيارة "جلوكال" للجونة واللي كان هدف زيارتنا الرئيسي هو الفيلم الأسترالي "حارس الذهب" من بطولة أحمد مالك لأننا Media partner للفيلم ده مع Mad Solutions فاروحنا نغطي الفيلم ونتابع ردود الأفعال عليه وحضرنا كمان البريمير بتاعه.

في نجوم كتير زي دول فكانت الحفلة فرصة حلوة للـ Networking لكل الناس اللي عزمناهم بين ممثلين ومخرجين وكتّاب وصناع محتوى ومهتمين بمجال الميديا والفن أو الإعلان، وأينعم "ديسكو مصر" لما بدأوا يلعبوا مزيكتهم الكل قعد يغني ويرقص لكن ماحدش هيفوت الفرصة دي غير أما يعمل Pitching لأكتر من مصدر.

كل فريق "جلوكال" حضروا الحفلة دي، وبالتأكيد The Stalkers كانوا هناك، بس المرة دي ماكانوش بيدوروا على أخبار لكن اتقابلوا مع منة شلبي وشريف رمزي اللي طلعوا هما كمان Stalkers وبيتفرجوا على البرنامج في السر وأشادوا بيه.. بس كونهم طبعاً بيحبوا البرنامج فده مش هيمنع شحاتة وجلا إنهم يجيبوا أخبارهم ويدعبسوا وراهم!

واللي متابعنا على انستجرام واللي بيشوف ستوريز فيسبوك أول بأول أكيد شاف الـStories اللي لعبنا فيها مع المشاهير اللعبة اللي بنلعبها معاكم دايماً وهي "إنت مين فيهم" واللي بنخير فيها الناس بين حاجتين.. خيرناهم بين كذا حاجة وكل واحد فيهم جاوب بطريقته.. تقدروا تشوفوها في الـ Highlights على انستجرام من هنا.

مش بس فيلم "حارس الذهب" اللي بنتعاون فيه كـ Media Partner مع Mad solutions فـ "جلوكال" كمان موجودين في فيلم "الصندوق الأسود" بطولة منى ذكي ومحمد فراج ومصطفى خاطر واللي بالمناسبة بيتعرض دلوقتي في السينمات!  

Comments: