٢٠ حاجة تعملها لما يبقى عندك 23 سنة غير إنك تفتح شركة 

26/11/2020

كتبت: آية زكي

الحياة بعد التخرج غالبا بتكون شرسة شوية ومختلفة عن الـ 20 أو 21 سنة اللي عشتهم، يمكن عشان بتواجه العالم بشكل جديد وبتحس إنك كبرت خلاص ولازم تعتمد على نفسك وبتبقى في سباق مع اللي حواليك واللي في سنك وبتبدأ تواجه أحلامك اللي ياما حلمت بيها على أرض الواقع اللي بيبقى مؤلم شوية وغير الخيال.

في السن ده إنت مش مطالب تعمل أصعب حاجات ومش مطالب تثبت نفسك بشكل معين ولا تندم الناس اللي أحبطوك إنهم ماشفوش فيك بذرة النجاح وحطوك على الطريق الصح، ولا مطالب يبقى معاك فلوس كتير وتبقى صاحب دماغ شغالة ومش بتنام عشان تفتح لنفسك شركة ومشروع قبل ما تتم 23 سنة زي هادية غالب هادية غالب انفلونسر فاشون ترافلر انتربرنورشيب.. وبالمناسبة دي قررنا نقولك 20 حاجة ممكن تعملهم قبل ما تتم 23 سنة:

1- اعمل علاقات وصحاب جداد 

2-  اعمل باسبور (حتى لو مش هتسافر أي حتة في الوقت ده)

3- جرب تسافر لوحدك أو تعيش لوحدك شوية حتى لو في محافظة تانية جوا بلدك 

4- اتعلم اطبخ 

5- اتبنى حيوان 

6- اكتشف نفسك وأحلامك اللي ممكن تتحقق على أرض الواقع 

7- جرب أكلات جديدة عمرك ما عرفت طعمها 

8- راجع نفسك واعتذر لناس ممكن تبقى ضايقتهم 

9- اهتم بصحتك والعب رياضة 

10- جرب تروح لدكتور نفسي 

11- انزل "ديتس" وجرب تدخل علاقة غير مؤذية 

12- روح حفلة لمطربك أو الباند المفضل ليك 

13- ازرع واتعلم تحافظ على الزرع بتاعك 

14- ابني حاجة بايديك حتى لو فصلت لنفسك بلوفر 

15- جرب تجيب لنفسك حاجات جديدة بمرتبك القليل اللي في الأول 

16- حاول تستقل ماديًا مهما كان دخلك مش كبير 

17- سامح ناس كانوا سبب في أذيتك 

18- هات لأهلك عشا في مرة

19- اعمل أي "نيولوك" جديد زي إنك تقص شعرك أو تصبغة/ تحلق دقنك أو شنبك 

20- اتعلم تبقى لوحدك 

21- اتعلم تقول لا 

22- اشتري في مرة هدوم أو حاجة غالية بس نفسك فيا 

طبعا ده مش كتالوج لازم تمشي عليه عشان توصل لسن 23 مرتاح أو لو عديت الـ 23 سنة وماعملتش الحاجات دي معناه إن قطر السعادة والراحة النفسية والسلام فاتك.. اعمل اللي يريحك أو اللي تقدر عليه بس مش لازم عشان تحقق قصة النجاح المثالية قبل سن الـ 23 سنة تبقى فتحت شركة وغيظت "الكلاينت" اللي كان مستصغرك ومش واثق فيك.

Comments: