القصة الكاملة لريهام سعيد وحلقة صيد الثعالب

03/12/2020

كتب محمود عادل: 

بعد وقف ريهام سعيد وبرنامجها "صبايا الخير" على قناة النهار رجعت تاني بأول حلقة ليها يوم الأتنين 30 نوفمبر، ولكن حلقة يوم الأربع 2 ديسمبر 2020 قررت تعمل حلقة فيها تقرير عن "رحلة صيد" لدياب وتعالب في الصحراء!

التقرير بدء بإنها بتشرحلنا قصتها في بيت جدها لما كانت بتلاقي نسر وبومة متحنطين فكانوا بيخوفوها وهي صغيرة، حسب ما بتحكي هي قررت تطلع رحلة الصيد عشان "تسلط الضوء" على الصيادين اللي "بيضحوا بحياتهم" حسب كلامها برضه.. وكملت وقالت في التقرير إن  دي مهمة صعبة وإنها بتعرض حياتها للخطر! والتقرير فعليا بدء مع مجموعة من الناس وهما بيحضروا أفخاخ عشان يصادوا بيها التعالب والديابة، وبيشرحولها إزاي الأفخاخ بتشتغل عشان تتمكن من التعالب والديابة.. وبعدها مشيوا ساعة جوا الصحرا "حسب كلامها" عشان يعملوا حلقة يصطادوا فيها تعالب وديابة

وقالتلهم ريهام سعيد  في التقرير بعد ما مسكوا التعلب بالراحة لحسن يتعور أو رجله تتكسر وقالت نصاً: "لا مش هقدر أشوفه وهما بيربطوه كدة".. ودي كانت صورة التعلب وهما بيربطوه.

وطبعا حاجة زي دي أزعجت ناس كتير على مواقع التواصل الإجتماعي وهاشتاج "ريهام سعيد" بقى تريند على تويتر، وعدد كبير من الناس تفاعلوا مع الهاشتاج بشكل قوي وطلبوا بإيقافها وإيقاف برنامجها تاني.

ودي مجموعة من أراء الناس وطلبهم بوقفها على الهاشتاج:
 

وبعد كده قناة النهار أصدارت بيان بتعتذر فيه عن عرض الحلقة وقالت إنها إزالتها من جميع منصات القناة على مواقع التواصل الإجتماعي بهدف تهدئة الوضع.

وعقوبة الفعل اللي قامت به الإعلامية ريهام سعيد حسب موقع وزارة البيئة، في مادة رقم 28 في الباب الأول من حماية البيئة الأرضية من التلوث (الفصل الأول التنمية والبيئة): يحظر بأية طريقة القيام بأى من الأعمال الآتية:

أولا :صيد أو قتل أو إمساك الطيور والحيوانات البرية والكائنات الحية المائية أو حيازتها أو نقلها أو تصديرها أو استيرادها أو الاتجار فيها حية أو ميتة كلها أو أجزائها أو مشتقاتها أو القيام بأعمال من شأنها تدمير الموائل الطبيعية لها أو تغيير خواصها الطبيعية او موائلها أو اتلاف أوكارها أو إعدام بيضها أو نتاجها.

وتحدد اللائحة التنفيذية لهذا القانون أنواع هذه الكائنات والمناطق التى تنطبق عليها أحكام الفقرة السابقة.

Comments: