٧ حاجات ماتعرفهاش عن "RedBull Gaming Ground": اللي اتعملت فيها مسابقة PUBG!

09/12/2020

١- اتعملت سنة 2019 ومكانها في Esports lab في مدينة نصر.

٢- فيها جهاز Gaming من MSI اللي تعتبر من أكبر شركات الـ Hardware المعروفة وسعره حوالي ٢٥٠ ألف جنية بقدرات تشغل أي لعبة.

٣- الـ Room دي الوحيدة في الشرق الأوسط لـ RedBull، ومفيش حاجة شبهها غير في إنجلترا، بس اللي هناك Gaming Space.

٤- اتعملت فيها مسابقة RedBull Xstreamers واللي كانت عبارة عن تحدي بين ١٢ متسابق الهدف منه إنهم يحققوا مهمات مختلفة في لعبة PUBG.

٥- المسابقة بدأت في نص نوفمبر وخلصت ٤ ديسمبر وكسب فيها "محمود داش" بـ٦٤ نقطة من خلال تحقيق ١٥ مهمة من المهام اللي بتحطها RedBull بناء على قواعد المنافسة.

٦- الجايزة اللي كسبها داش هي جهاز Gaming بقيمة حوالي ٣ ألاف دولار.

٧- قريب هيعملوا مسابقات ومنافسات تانية، فلو انتوا Gamers جامدين، استنوا RedBull لما هيعلنوا عن فتح باب التقديم قريب!

Comments: