القصة الكاملة لـ "حوار تيليجرام" المنتشر على السوشيال ميديا 

13/12/2020

انتشر هاشتاج على موقع التواصل الاجتماعي تويتر "حوار تيليجرام"، وده بعد ما أطلق "أبلكيشن" تيليجرام خاصية جديدة بتسمح للمستخدمين إنهم يحصلوا على رقم الأشخاص القريبة منهم يراسلوا أو على بعد كيلومترات منهم ويقدروا يبعتولهم كمان ويراسلوهم.

وبدأ الناس على تويتر يتكلموا على الهاشتاج عن الخاصية الجديدة ويعملوا "ميمز" على الخاصية دي وفيه ناس شبهت الخاصية دي بخاصية "أبلكيشن" تيندر (وهو أبلكيشن للتعارف) ولكن هو عكس تطبيق تيندر لإن تيندر بيسمح للمستخدمين إنهم يتعرفوا على بعض مع حفظ ومراعاة خصوصية مستخدميه 

 ولكن فيه جزء تاني قال إنهم هيحملوا التطبيق عشان يتعرفوا على الخاصية ويستخدموها بغض النظر عن اختراق خصوصيتهم.

وانقسمت التعليقات بين مؤيد للخاصية ومعارض ليها، ده غير إن ناس كتير قالت إن الخاصية دي من زمان أو بقالها فترة بس تم اكتشافها دلوقتي، وناس تانية اعتبرته شئ مقلق بسبب اختراق الخصوصية لإنك تقدر تتعرف على اي شخص إنت مش عارفة بمجرد ما تفعل خاصية الأشخاص القريبون وتقدر كمان تشوف كل الجروبات القريبة منك زي جروب المنطقة وجروب الجامعة.

وده كان جزء من تعليقات الناس على تويتر على هاشتاج "حوار تيليجرام":

لكن أي حد يقدر يوقف الخاصية دي عن طريق الإعدادات وبعد كده يدخل على الخصوصية والأمان، وبعدها يخلي كل اختيارات الخصوصية على وضع جهات اتصالي عشان يتجنب إن حد يقدر يتعرف عليه عن طريق الخاصية دي، وعشان يتأكد إنه مش هيظهر لحد من القريبين منه.

Comments: