تاكاهيرو شيراشي.. سفاح تويتر

16/12/2020

قضية الشاب ده هزت الرأي العام في اليابان لدرجة إن أكتر من 400 شخص حضروا للمحكمة عشان يسمعوا النطق بالحكم.. فا مين هو سفاح تويتر؟

"تاكاهيرو شيراشي" صاحب الـ30 عاما، اتقبض عليه في 2017، بعد ما الشرطة لقت أشلاء جثث في شقته، طيب ليه اتسمى بـ سفاح أو قاتل تويتر؟

شيراشي كان بيصطاد ضحاياه عن طريق تويتر ويستدرجهم لشقته، وكان بيستدرج البنات اللي عندهم ميول إنتحارية، فكان بيقولهم فيما معناه، إنهم يجوا وهو هيساعدهم على الموت وكمان كان بيعرض عليهم إنه ينتحر معاهم.

ما بين شهر أغسطس وشهر أكتوبر في 2017 بس، شيراشي قتل 8 بنات وولد، أعمارهم تتراوح ما بين 15 لـ 26 سنة، والولد الوحيد ده كان أحد أصدقاء الضحايا  وده حسب ما قالت وكالة "كيودو" اليابانية للأنباء. 


شيراشي اتكشف لما الشرطة لقت أشلاء في شقته وهما بيدوروا على بنت عندها 23 سنة، وللأسف إكتشفوا إن هو اللي قتلها.

الشرطة لقت 9 رؤوس وعظام دراعات ورجلين.

اللي وصل الشرطة لشيراشي، إن أخو ضحية من ضحاياه، لقى رسائل منه على حسابها على تويتر، فطلب من صاحبته إنه تكلمه وترتب معاه لقاء وقبل كان هو متصل بالشرطة ومعرفهم كل حاجة.

حسب موقع BBC، محاميين الضحايا طالبوا بإعدامه، في المقابل محامي شيراشي كانوا شايفين إن الضحايا هما اللي سمحوله بقتلهم.

Comments: