منظمة الصحة العالمية تصرح إن سلالة "كورونا" الجديدة أسرع في الانتشار 

17/12/2020

أعلنت منظمة الصحة العالمية يوم الثلاثاء 15 ديسمبر إن النوع الجديد اللي تم العثور عليه في بريطانيا بينشر أسرع بس مابيشكلش خطر كبير على أي حال، ولكن الأخبار دي برضه عملت حالة من الذعر في العالم كله لكن خصوصا في بريطانيا.

وده بعد ما أعلن وزير الصحة البريطاني "مات هانكوك" إن السلالة الجديدة بدأت بالانتشار في جنوب شرق بريطانيا وصرح كمان إن في يوم واحد تم تسجيل أكتر من 1800 حالة إصابة بكورونا ومعظمها في جنوب بريطانيا، و500 حالة وفاة بفيروس كورونا في أخر شهر، وعشان كده أعلنت بريطانيا إن العاصمة لندن وبعض الأجزاء من البلاد هتدخل في المرحلة التالتة من الإغلاق وهي أعلى درجات الإغلاق.

وقالت وزارة الصحة بعد التحليل الأولي للفيروس المتغير إنه بينمو وينتشر بشكل أسرع، وقال إن إن الطفرات والتطورات طبيعة الفيروسات اللي زي كورونا، وإنه مابيرحجش إن السلالة الجديدة ممكن تتغلب على اللقاح المضاد، ولكن العلماء عايزين يعرفوا أكتر عن السلالة الجديدة، وقال إن أعراض السلالة المتطورة من الفيروس هي سعال مستمر وفقدان حاسة التذوق والشم وارتفاع في درجة الحرارة.

والعلماء بيقولوا إن الفيروس بيصيب الأشخاص بطرق مختلفة وإن العلامات بقيت واضحة أكتر مع انتشار الوباء، والأعراض الرئيسية الثلاثة بتاعته هما:

1- كحة جديدة ومستمرة، ممكن توصل لساعة أو أكتر والإصابة بنوبات كحة في خلال 24 ساعة 

2- ارتفاع درجة الحرارة (بتبقى أعلى من 37.8)

3- فقدان حاسة التذوق والشم 

ولكن الأعراض الأقل شيوعاً زي ما قالت منظمة الصحة العالمية هي:

1- إرهاق وألم 

2- التهاب الحلق 

3- إسهال 

4- التهاب ملحمة العين

5- الصداع

6- الطفح الجلدي أو تغيير لون صوابع الإيد والرجل

والأعراض عشان تظهر بتستغرق 5 أو 6 أيام من إصابة الشخص بالفيروس، لكن في بعض الحالات بيبقى أسبوعين، لكن فيه أشخاص مابتظهرش عليهم أعراض.

وقال بعض العلماء إن الفيروس مابيتحورش بسرعة الأنفلونزا بالرغم من إنه لازم يفضل تحت المراقبة، وبيتوقعوا إن تطوير اللقاحات الجديدة مش هيكون موضوع ضروري في المستقبل، ومعظم الطفرات مش هتكون مهمة أو مقلقة، لكن بعضها بيدي الفيروس ميزة تطورية بتسبب انتقال أعلى.

Comments: