مواعيد الإجازات الرسمية لسنة 2021 في مصر بعد قرار ترحيل الإجازات الرسمية ليوم الخميس

22/12/2020

أصدر رئيس الوزراء المصري قرار في اجتماع الحكومة الأسبوعي في تاريخ 28 يونيو قرار إن هيتم ترحيل الإجازات الرسمية اللي في نص الأسبوع من يوم الأحد ليوم الأربعاء ليوم الخميس اللي في نفس الأسبوع، باستثناء الإجازات اللي هتوافق يوم الجمعة أو السبت، وباستثناء إجازة عيد الفطر وعيد الأضحى، وعشان كده إجازات سنة 2021 هتكون مختلفة وأغلبها إجازات طويلة ومش هتكون يوم المناسبة نفسها.

مواعيد الإجازات الرسمية لسنة 2021 هي:

1- إجازة 7 يناير: بمناسبة عيد الميلاد المجيد، وهيكون يوم 7 يناير موافق يوم خميس فالإجازة هتكون في اليوم نفسه.

2- إجازة 25 يناير: بمناسبة عيد ثورة 25 يناير، وعيد الشرطة يوم الإثنين الموافق 25 يناير لكن الإجازة نفسها هتكون يوم الخميس 28 يناير.

3- إجازة 25 أبريل: بمناسبة عيد تحرير سيناء يوم الأحد 25 أبريل لكن الإجازة هتكون يوم الخميس 29 أبريل.

4- إجازة 1 مايو: بمناسبة عيد العمال يوم السبت 1 مايو والإجازة هتكون يوم السبت 1 مايو مش هتترحل لآخر الاسبوع.

5- إجازة 2 مايو: لأول مرة هيكون في اعتماد لإجازة جديدة بمناسبة عيد الفصح القبطي واللي هتكون يوم الأحد 2 مايو ولكن الإجازة هتترحل ليوم الخميس 6 مايو.

6- إجازة 3 مايو: بمناسبة عيد شم النسيم اللي هيوافق الإثنين 3 مايو، لكن لسه ماتمش تحديد ميعاد الإجازة بالظبط لإن يوم الخميس هيكون إجازة عشان عيد الفصح فغالبا هيكون إجازة شم النسيم موافقة ليوم الأربعاء 5 مايو.

7- إجازة 13- 14 مايو: بمناسبة عيد الفطر هيوافق أيام الإجازة يوم الخميس والجمعة.

8- إجازة 30 يونيو: بمناسبة ثورة 30 يونيو الموافق يوم الأربعاء 30 يونيو، وكده الإجازة هتكون الخميس 1 يوليو.

9- إجازة 19 يوليو: بمناسبة وقفة عرفات الموافقة يوم الإثنين 19 يوليو وهتكون الإجازة في نفس اليوم لإنها من الاستثناءات.

10- إجازة 20-21- 22 يوليو: بمناسبة عيد الأضحى.

11- إجازة 23 يوليو: بمناسبة ثورة 23 يوليو هتكون الإجازة يوم الجمعة 23 يوليو لإن يوم الجمعة من الاستثناءات.

12- إجازة 9 أغسطس: بمناسبة رأس السنة الهجرية يوم الإثنين 9 أغسطس ولكن هيتم ترحيل الإجازة نفسها ليوم 12 أغسطس.

13- إجازة 6 أكتوبر: بمناسبة ذكرى 6 أكتوبر الموافقة ليوم الأربعاء 6 أكتوبر لكن هيتم ترحيل الإجازة ليوم 7 أكتوبر.

14- إجازة 18 أكتوبر: بمناسبة المولد النبوي الشريف هتكون آخر إجازة في السنة هي إجازة المولد النبوي واللي هيوافق يوم الإثنين 18 أكتوبر ولكن هيتم ترحيل الإجازة ليوم الخميس الموافق 21 أكتوبر.

Comments: