القصة الكاملة لتعليق أصالة على صورة طارق العريان.. وتعليق هيفاء وهبي وشام بنتها

24/12/2020

بعد انفصال طارق العريان وأصالة وقصة الحب اللي بينهم وجوازهم اللي استمر 14 سنة، أصالة كانت بتعدي بفترة صعبة وقالت في لقاء ليها إن تجربة الانفصال والطلاق دي كانت صعبة واللي خلتها تلجأ لعلاج من دكتور نفسي.

وبعد انفصالهم انتشرت أخبار عن ارتباط طارق العريان بنيكول سعفان في شهر أغسطس اللي فات وانتشر إشاعات كمان إنهم اتجوزوا ولكن طارق العريان صرح وقتها وقال إن الأخبار دي ضايقته وإنه مش متواجد معاه طول الوقت في الساحل زي ما الأخبار بتقول، وصرح إن فيه في حياته قصة حب جديدة بس هو مش هيقدر يصرح بيها.

انتشرت صورة لنيكول سعفان صورة مع طارق العريان وصحابهم وده اللي خلى أصالة تخرج عن شعورها وماقدرتش تسكت، وكان رد فعلها إنها نشرت الصورة المنتشرة عندها على أكونت انستجرام بتاعها وكتبت عليها "هي أقسى صورة أنا مرقت عليّ منّ بداية قصتي لليوم، ومن وقت شفتها منّ حوالي تلاتين ساعة وأنا قاعدة بسّ عمّ حاول صدّق، فيه شخص بالصّورة كان بمقام وغلاوة روح ونفس، الست العزيزة اللي بتشكر على أحلى ليلة سهرتها يا ترى فعلا؟ ولا بس تشجيع للظلم والجحود والنكران، الحقيقة كلكم بتعرفوها من غير ما إحكيها، الصورة مو عادية، ومو قادرة أتجاوزها؛ لأنه تفاصيلها بشعة جارحة بتقتل فيني حتّى نقطة الأمان الّلي عم حاول حافظ عليها على قد ما أقدر.. ولوالد ولادي (آدم وعلي) غير إنه اللي بتعمله مو إنساني هوه عيب، سامحوني على تصرفي اللي مو المفروض يكون، بس ذهولي من قدرتهم خلتني أتجاوز كل أنواع الحرص ولغت تفكيري".

وبعدها انتشر تعليق لهيفاء وهبي بردها على أصالة على الصورة دي وانتشر الرد واتصدر تريندات السوشيال ميديا ولكن كتبت بعض المواقع إن الكومنت ده مفبرك وغير حقيقي، وبعد تصدر الموضوع تريند تويتر فيه نس كتير علقوا وقالوا إن استحالة هيفاء وهبي تعلق على حاجة أصلا في حياة أصالة الشخصية.

وعلقت شام بنت الفنانة أصالة على مشكلة أمها مع طارق العريان في بوست ليها على انستجرام وقالت "أنا بعرف قديش الألم كان كبير، والخيانة قاسية ووقوف بعض الاصدقاء مع الغلط اقصا!، يا أنقي وأعظم ست شفتها بالحياة! أنت مثال لكل امرأة تجاوزت محن كتير بالحياة لتكون اقوا وتلمع وهي الصدمة رح تكون مجرد محنة تانية من محن كتيرة تجاوزتها! الحقيقة أن الخيانة والهروب من المواجهة كانت فعلا صادمة النا كلنا، بس رح تعدي ونكون أقوا! انا فخورة فيكي لانك انسانة، حقيقية، شفافة، وواضحة ونقية! عبري يا دنيتنا كلنا وماتخافي على زعلنا، انا معك للموت وبموت مع كل ثانية بتتألمي فيها!

ورد أنس أخو الفنانة أصالة على أخته على الموقف اللي خدته ووجه لها رسالة على العلن على الأكونت الرسمي بتاعه على انستجرام وقال لها "لم أعتد على شيء في الحياة قدر ما اعتدت أن أكون إلى جانبك واُساندك إن كنتِ على صواب أو حتى في الخطأ، ومع أنني عهدت نفسي بأن ترتقي عن همومي وهموم الحياة التي اختارها لي الله إلا انني لا استطيع أن أقف صامتاً أمام جرحك البليغ يا حبيبتي، جراحك هي جراحي وجراح أمةٌ أحبتك وأحبت تكوينك، أرجو الله أن يجبر خاطرك ويداوي جراحك في أسرع وقت وليتولى الله هؤلاء المنغصين الضئيلين أمام قدرك ومقامك يا سيدة كسرت الانكسار نفسه وأضعفت الضعف وبقيت شامخه، أنا معك صولا، وأغلق خاصية الرد على كلماته، حتى لا يسمح بالنقاش والمجادلات أسفل صورتهما".

Comments: