أهم 9 ألعاب منتظرة في 2021

29/12/2020

كتب: محمود عادل

عام 2020 بينتهي بإصدار كلا من PS5 و Xbox series X، وكل الجيمرز في حالة ترقب عشان مستنيين يشوفوا الألعاب الجديدة اللي هتنزل في 2021، بعضها هيكون متاح للمنصات القديمة والجديدة والبعض الأخر هيكون للمنصات الجديدة فقط.. ولذلك خلونا نشوف أهم 9 ألعاب هيتم اصدارهم في 2021.

Hitman 3 هيتم إصدارها على جميع المنصات يوم 20 يناير.

Far Cry 6

تاريخ الإصدار حسب ميكروسوفت ستور هيكون 25 مايو، ولكن ممكن يكون ما بين أبريل 2021 لمارس 2022 وهيتم إصدارها على جميع المنصات واللعبة هتشتغل بدقة 60 FPS/4K على PS5 و Xbox Series X

Gran Turismo 7

اللعبة هيتم إصدارها في النصف الأول من السنة الجديدة لـ PS5 فقط.

Battlefield

للأسف اللعبة دي مفيش أي تفاصيل دقيقة عن تاريخ الإصدار أو المنصات ولكن أغلب الجيمرز معروف إنهم هيكونوا متشوقين يشوفوا جزء جديد بعد أخر جزء من السلسلة اللي طلع في 2018 تحت اسم Battlefield 5 والجزء ده تحديدا مكنش عليه إجماع قوي وعدد كبير من الجيمرز اشتكوا من أسلوب اللعب فيها وبعض الأخطاء.

Halo Infinite

كان من المفترض إن اللعبة تصدر في نوفمبر 2020 بس بعض التحديثات والتطوير في اللعبة وكمان بسبب الكورونا، فا إصدارها اتاجل لـ2021، ومن المفترض إن اللعبة هتدعم 120 FPS على Xbox Series X، وهتصدر اللعبة تقريبا لجميع المنصات ماعدا PS5

Grand Theft Auto V (Next-Gen)

بعد 7 سنين من أخر إصدار للعبة، من المتوقع إن الجزء الجديد يظهر للنور في النصف التاني من العام الجديد على PS5 و Xbox Series X/S

God of War: Ragnarok

للأسف مفيش كلام محدد عن معاد الإصدار بشكل دقيق أو عن المنصات، ولكن من المتوقع إنها هتكون في 2021 ولـPS5

Resident Evil Village

اللعبة اللي هتكون من منظور الشخص الأول هيتم إصدارها لجميع المنصات زي Xbox Series X و PS5 و PC

Crossfire X

كل الجيمرز عارفين إن اللعبة دي موجودة لـ PC فقط ولكن لأول مرة في 2021 اللعبة هتكون متاحة لأجهزة الكونسول زي PS و Xbox ولكن للأسف مفيش تاريخ محدد لإصدارها

Comments: